സ്കൂട്ടറിലെത്തിയ യുവതിയെ തടഞ്ഞു നിർത്തി രണ്ടര പവന്‍റെ മാല കവർന്നു; സംഭവം ഇ​ന്ന​ലെ രാ​ത്രി എ​ട്ടോടെ നെടുന്പാശേരി ചെറിയവാപ്പാലശേരിയിൽ

നെ​ടു​മ്പാ​ശേ​രി: മോ​ഷ​ണ​വും പി​ടി​ച്ചു​പ​റി​യും ത​ട​യു​ന്ന​തി​ന് വ്യാ​പാ​രി​ക​ളും നാ​ട്ടു​കാ​രും ജാ​ഗ്ര​ത സ​മി​തി​ക​ൾ രൂ​പീ​ക​രി​ക്കു​ന്ന​തി​നി​ടെ ഇ​ന്ന​ലെ രാ​ത്രി​യും നെ​ടു​മ്പാ​ശേ​രി​യി​ൽ പി​ടി​ച്ചു​പ​റി ന​ട​ന്നു. ജോ​ലി ക​ഴി​ഞ്ഞ് വ​രി​ക​യാ​യി​രു​ന്ന സ്കൂ​ട്ട​ർ യാ​ത്ര​ക്കാ​രി​യു​ടെ ര​ണ്ട​ര പ​വ​ൻ സ്വ​ർ​ണ​മാ​ല​യാ​ണ് ക​വ​ർ​ന്ന​ത്.

അ​ങ്ക​മാ​ലി എ​ൽഎ​ഫ് ആ​ശു​പ​ത്രി​യി​ൽ സ്റ്റാ​ഫ് നേ​ഴ്സാ​യ ചെ​റി​യ​വാ​പ്പാ​ല​ശേ​രി പോ​ട്ടാ​യ​പ​റ​മ്പി​ൽ ഷി​ൻ​സി (24)യു​ടെ സ്കൂ​ട്ട​ർ ത​ട​ഞ്ഞു​നി​ർ​ത്തി​യ ശേ​ഷം ബൈ​ക്കി​ലെ​ത്തി​യ ര​ണ്ടം​ഗ സം​ഘം ക​ഴു​ത്തി​ൽ നി​ന്നും മാ​ല പൊ​ട്ടി​ച്ചെ​ടു​ക്കു​ക​യാ​യി​രു​ന്നു. ദേ​ശീ​യ​പാ​ത​യി​ൽ ചെ​റി​യ​വാ​പ്പാ​ല​ശേ​രി പ​ള്ളി​ക്ക് സ​മീ​പം ഇ​ന്ന​ലെ രാ​ത്രി എ​ട്ടോ​ടെ​യാ​ണ് സം​ഭ​വം. തെ​രു​വു​വി​ള​ക്കു​ക​ളും ക​ച്ച​വ​ട സ്ഥാ​പ​ന​ങ്ങ​ളും ഇ​ല്ലാ​ത്ത സ്ഥ​ല​മാ​ണ് പി​ടി​ച്ചു​പ​റി​ക്കാ​ൻ തി​ര​ഞ്ഞെ​ടു​ത്ത​ത്. ഷി​ൻ​സി ദി​വ​സ​വും ജോ​ലി ക​ഴി​ഞ്ഞ് ഇ​തേ​സ​മ​യ​ത്ത് ഇ​തു​വ​ഴി പോ​കാ​റു​ണ്ടെ​ന്ന് വ്യ​ക്ത​മാ​യി അ​റി​യാ​വു​ന്ന​വ​രാ​ണ് പി​ടി​ച്ചു​പ​റി​ക്ക് പി​ന്നി​ലെ​ന്നാ​ണ് സൂ​ച​ന.

സം​ഭ​വ​മ​റി​ഞ്ഞ് ഹൈ​വേ പൊ​ലീ​സും നെ​ടു​മ്പാ​ശേ​രി, അ​ങ്ക​മാ​ലി പൊ​ലീ​സും പ്ര​തി​ക്കാ​യി തെര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. ആ​റ് മാ​സ​ത്തി​ലേ​റെ​യാ​യി നെ​ടു​മ്പാ​ശേ​രി, ചെ​ങ്ങ​മ​നാ​ട്, കു​റു​മ​ശേ​രി, കു​ന്നു​ക​ര മേ​ഖ​ല​ക​ളി​ൽ വ്യാ​പ​ക​മാ​യ മോ​ഷ​ണ​മാ​ണ് ന​ട​ക്കു​ന്ന​ത്. മോ​ഷ​ണം ത​ട​യു​ന്ന​തി​ൽ പൊ​ലീ​സ് ജാ​ഗ്ര​ത കാ​ണി​ക്കു​ന്നി​ല്ലെ​ന്ന പ​രാ​തി വ്യാ​പ​ക​മാ​ണ്. ഇ​തേ​തു​ട​ർ​ന്ന് ചി​ല സ്ഥ​ല​ങ്ങ​ളി​ൽ വ്യാ​പാ​രി​ക​ൾ സ്വ​ന്തം നി​ല​യി​ൽ ജാ​ഗ്ര​ത സ​മി​തി​ക​ൾ രൂ​പീ​ക​രി​ച്ച് മോ​ഷ​ണം ത​ട​യു​ന്ന​തി​ന് ശ്ര​മം ആ​രം​ഭി​ച്ചി​ട്ടു​ണ്ട്. ഇ​തി​നി​ടെ​യാ​ണ് വ​ഴി യാ​ത്ര​ക്കാ​രി​യെ ത​ട​ഞ്ഞു​നി​ർ​ത്തി മാ​ല പൊ​ട്ടി​ച്ച സം​ഭ​വം ഉ​ണ്ടാ​യി​ട്ടു​ള്ള​ത്.