വടക്കഞ്ചേരി: തൊഴിലുറപ്പ് തൊഴിലാളികള്‍ ആറടിയോളം നീളമുള്ള മലമ്പാമ്പിനെ പിടികൂടി. കിഴക്കഞ്ചേരി പഞ്ചായത്തിലെ നാലാംവാര്‍ഡിന്‍റെ തൊഴിലുറപ്പ് തൊഴിലാളികളാണ് മമ്പാട് പുഴയോരത്ത് നിന്ന് മലമ്പാമ്പിനെ പിടികൂടിയത്.
പുഴയോരത്തുള്ള സേതുമാധവന്‍റെ വളപ്പില്‍ കുളം കുഴിക്കുന്നതിനു വേണ്ടി കാട് വെട്ടുന്നതിനിടെയാണ് പാമ്പിനെ കണ്ടത്. തൊഴിലാളികള്‍ തന്നെ പാമ്പിനെ പിടികൂടി വനം വകുപ്പ് അധികൃതര്‍ക്ക് കൈമാറുകയായിരുന്നു.
മംഗലംഡാം സെക്ഷന്‍ ഫോറസ്റ്റ് ഓഫീസര്‍ ബി.രഞ്ജിത്തിന്‍റെ നേതൃത്വത്തില്‍ വനപാലകരെത്തി പാമ്പിനെ കുഞ്ചിയാര്‍പതി കാട്ടില്‍വിട്ടു.
