ബ​സ് യാ​ത്ര​യ്ക്കി​ടെ മാ​ല​പൊ​ട്ടി​ക്കാ​ൻ ശ്ര​മി​ച്ച  ത​മി​ഴ് യു​വ​തി​യെ നാ​ട്ടു​കാ​ർ പി​ടി​കൂ​ടി; ബസ് ഇറങ്ങുന്നതിനിടെ മാലപൊട്ടിച്ച് ഓടുകയായിരുന്നു;   പിന്നാലെ ഓടി നാട്ടുകാർ ഇവരെ പിടികൂടുകയായിരുന്നു

വ​ട​ക്ക​ഞ്ചേ​രി: ബ​സ് യാ​ത്ര​യ്ക്കി​ടെ വീ​ട്ട​മ്മ​യു​ടെ മാ​ല​പൊ​ട്ടി​ക്കാ​ൻ ശ്ര​മി​ച്ച ത​മി​ഴ് യു​വ​തി​യെ നാ​ട്ടു​കാ​ർ പി​ന്തു​ട​ർ​ന്ന് പി​ടി​കൂ​ടി പോ​ലീ​സി​ലേ​ല്പി​ച്ചു. ത​മി​ഴ്നാ​ട് തി​രു​പ്പൂ​ർ സ്വ​ദേ​ശി​യാ​ണെ​ന്നു പ​റ​യു​ന്ന രേ​വ​തി (38) യെ​യാ​ണ് പി​ടി​കു​ടി​യ​ത്. ഇ​വ​രു​ടെ യ​ഥാ​ർ​ത്ഥ പേ​ര് ഇ​തു​ത​ന്നെ​യാ​ണോ​യെ​ന്നും പോ​ലീ​സ് പ​രി​ശോ​ധി​ക്കു​ന്നു​ണ്ട്.

ഇ​ന്നു​രാ​വി​ലെ ഒ​ന്പ​ത​ര​യോ​ടെ​യാ​ണ് സം​ഭ​വം. ദേ​ശീ​യ​പാ​ത അ​ഞ്ചു​മൂ​ർ​ത്തി മം​ഗ​ല​ത്തു​നി​ന്നും വ​ട​ക്ക​ഞ്ചേ​രി​ക്ക് ക​യ​റി​യ ത​ങ്ക​മ​ണി എ​ന്ന വീ​ട്ട​മ്മ​യു​ടെ ര​ണ്ടു​പ​വ​ന്‍റെ സ്വ​ർ​ണ​മാ​ല​യാ​ണ് വ​ട​ക്ക​ഞ്ചേ​രി​യി​ൽ ബ​സി​റ​ങ്ങു​ന്ന​തി​നി​ടെ യു​വ​തി പൊ​ട്ടി​ച്ച​ത്. എ​ന്നാ​ൽ മാ​ല​യി​ൽ സേ​ഫ്റ്റി പി​ൻ​കു​ത്തി​യി​രു​ന്ന​തി​നാ​ൽ മാ​ല പൊ​ട്ടി​ച്ചെ​ടു​ക്കാ​ൻ ക​ഴി​ഞ്ഞി​ല്ല.

വീ​ട്ട​മ്മ ബ​ഹ​ളം വ​ച്ച​പ്പോ​ൾ യു​വ​തി ബ​സി​ൽ നി​ന്നി​റ​ങ്ങി ഓ​ടി ഓ​ട്ടോ​യി​ൽ ത​ങ്കം ക​വ​ല​യി​ലേ​ക്കു​പോ​യി. പി​ന്നാ​ലെ നാ​ട്ടു​കാ​രും ഇ​വ​രെ പി​ന്തു​ട​ർ​ന്നു. ആ​ളു​ക​ൾ ഓ​ടി​കൂ​ടു​ന്ന​തു​ക​ണ്ടു ഇ​വ​ർ ത​ങ്കം ക​വ​ല​യി​ലി​റ​ങ്ങി മ​റ്റൊ​രു ഓ​ട്ടോ​യി​ൽ മം​ഗ​ലം​പാ​ലം ഭാ​ഗ​ത്തേ​ക്കു​പോ​യി. അ​വി​ടെ വ​ച്ചാ​ണ് ഇ​വ​രെ പി​ടി​കൂ​ടി​യ​ത്.

സാ​രി ധ​രി​ച്ച ത​ടി​ച്ച സ്ത്രീ​യാ​ണി​വ​ർ. ഈ​യ​ടു​ത്ത കാ​ല​ത്താ​യി ബ​സു​ക​ളി​ൽ മാ​ല​പൊ​ട്ടി​ക്ക​ൽ സം​ഭ​വ​ങ്ങ​ൾ ഏ​റു​ക​യാ​ണ്. ഇ​ത്ത​രം അ​ന്യ​സം​സ്ഥാ​ന മോ​ഷ​ണ​സം​ഘ​ങ്ങ​ൾ കേ​ര​ള​ത്തി​ൽ വ്യാ​പ​ക​മാ​യി​ട്ടു​ണ്ടെ​ന്നാ​ണ് വി​വ​രം. ഉ​ത്സ​വ​സീ​സ​ണ്‍ ല​ക്ഷ്യം വ​ച്ചാ​ണ് സം​ഘ​ങ്ങ​ളു​ടെ വ​ര​വ്.