മ​ല​യോ​ര ഹൈ​വേ​യ്ക്കു റെ​ഡ് സി​ഗ്ന​ൽ; സ​ർ​ക്കാ​രി​നെ​തി​രേ നാ​ട്ടു​കാ​ർ സ​മ​ര​ത്തി​ന്; 50 കോ​ടി അ​ധി​ക​ച്ചെ​ല​വ്, പ​ദ്ധ​തി വൈ​കു​മെ​ന്നും സ​ർ​ക്കാ​ർ

തൃ​ശൂ​ർ: മ​ല​യോ​ര​ങ്ങ​ളി​ലൂ​ടെ മ​ല​യോ​ര ഹൈ​വേ നി​ർ​മി​ക്കാ​ൻ അ​ന്പ​തു കോ​ടി രൂ​പ​യു​ടെ അ​ധി​ക​ച്ചെ​ല​വു വ​രു​മെ​ന്നു വാ​ദി​ച്ച സ​ർ​ക്കാ​ർ പ​ദ്ധ​തി ന​ട​പ്പാ​ക്കാ​ൻ വൈ​കു​മെ​ന്നും ഹൈ​ക്കോ​ട​തി​യി​ൽ. സ​ർ​ക്കാ​ർ നി​ല​പാ​ടി​നെ​തി​രേ നാ​ട്ടു​കാ​ർ പ്ര​ക്ഷോ​ഭ​ത്തി​ന്.

മ​ല​യോ​ര ഹൈ​വേ പാ​ണ​ഞ്ചേ​രി പ​ഞ്ചാ​യ​ത്തി​ൽ മാ​ത്രം ദേ​ശീ​യ​പാ​ത​യി​ലൂ​ടെ​യും തു​ട​ർ​ന്ന് പീ​ച്ചി റോ​ഡി​ലൂ​ടെ​യു​മാ​ക്കി റൂ​ട്ട് മാ​റ്റ​ണ​മെ​ന്ന് ആ​വ​ശ്യ​പ്പെ​ട്ട് ഡി​സി​സി ജ​ന​റ​ൽ സെ​ക്ര​ട്ട​റി ഷാ​ജി ജെ. ​കോ​ട​ങ്ക​ണ്ട​ത്ത്, പ​ഞ്ചാ​യ​ത്ത് മെ​ന്പ​ർ​മാ​രാ​യ കെ.​പി. എ​ൽ​ദോ​സ്, സാ​ലി ത​ങ്ക​ച്ച​ൻ എ​ന്നി​വ​ർ കൊ​ടു​ത്ത ഹ​ർ​ജി​യി​ലാ​ണ് സ​ർ​ക്കാ​ർ ഈ ​നി​ല​പാ​ടെ​ടു​ത്ത​ത്. പാ​ണ​ഞ്ചേ​രി​യി​ൽ റൂ​ട്ട് മാ​റ്റി​യാ​ൽ 50 കോ​ടി അ​ധി​ക​ച്ചെ​ല​വ് വ​രു​മെ​ന്നും കാ​ല​താ​മ​സം വ​രു​മെ​ന്നു​മാ​ണ് സ​ർ​ക്കാ​ർ നി​ല​പാ​ടെ​ടു​ത്ത​ത്.

മ​ല​യോ​ര ഹൈ​വേ​യു​ടെ സ​ർവേ ന​ട​ത്തി റി​പ്പോ​ർ​ട്ട് സ​മ​ർ​പ്പി​ച്ച് 10 വ​ർ​ഷ​മാ​യി​ട്ടും ഇ​തു​വ​രെ അ​തി​ർ​ത്തി നി​ർ​ണ​യി​ക്കാ​നോ ഭൂ​മി ഏ​റ്റെ​ടു​ക്കാ​നോ ന​ട​പ​ടി ആ​രം​ഭി​ച്ചി​ട്ടി​ല്ല. ഇ​ത്ര​യും കാ​ല​താ​മ​സം വ​ന്നി​ട്ടും റൂ​ട്ട് മാ​റ്റം പ​ദ്ധ​തി ന​ട​പ്പാ​ക്കാ​ൻ വൈ​കു​മെ​ന്ന വി​ചി​ത്ര​വാ​ദ​മാ​ണ് സ​ർ​ക്കാ​ർ ഉ​ന്ന​യി​ച്ച​ത്.

മ​ല​യോ​ര മേ​ഖ​ല​യി​ലൂ​ടെ റൂ​ട്ട് പു​നഃ​ക്ര​മീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് സ​മ​ര​ത്തി​നി​റ​ങ്ങാ​ൻ പാ​ണ​ഞ്ചേ​രി പ​ഞ്ചാ​യ​ത്തി​ൽ ജ​ന​കീ​യ കൂ​ട്ടാ​യ്മ തീ​രു​മാ​നി​ച്ച​താ​യി പ​ഞ്ചാ​യ​ത്ത് മെ​ന്പ​ർ​മാ​രാ​യ കെ.​പി. എ​ൽ​ദോ​സ്, സാ​ലി ത​ങ്ക​ച്ച​ൻ, ഷി​ബു പോ​ൾ, കെ.​പി. ചാ​ക്കോ​ച്ച​ൻ എ​ന്നി​വ​ർ അ​റി​യി​ച്ചു.