മമ്മൂട്ടി നായകനാകുന്ന അബ്രഹാമിന്‍റെ സന്തതികൾ ജൂൺ 15ന് എത്തും. ഷാജി പാടൂർ ആണ് ചിത്രം സംവിധാനം ചെയ്തിരിക്കുന്നത്. തിരക്കഥ രചിച്ചിരിക്കുന്നത് ഹനീഫ് അദേനിയാണ്. ഗോപി സുന്ദർ ചിത്രത്തിന്‍റെ സംഗീത സംവിധാനം നിർവഹിച്ചിരിക്കുന്നു. ആൽബിയാണ് കാമറ ചലിപ്പിച്ചിരിക്കുന്നത്.
ആൻസൺ പോൾ, സിദ്ദിഖ്, രഞ്ജി പണിക്കർ, കനിഹ, കലാഭവൻ ഷാജോൺ തുടങ്ങിയവരാണ് ചിത്രത്തിലെ മറ്റ് താരങ്ങൾ. റംസാൻ റിലീസായി എത്തുന്ന ചിത്രം മമ്മൂട്ടി ആരാധകർ ഏറെ പ്രതീക്ഷയോടെയാണ് കാത്തിരിക്കുന്നത്. ചിത്രത്തിന്‍റെ ഫസ്റ്റ് ലുക്ക്, സെക്കൻഡ് ലുക്ക് പോസ്റ്ററും പിന്നീട് എത്തിയ ഗാനവും പ്രേക്ഷക പ്രീതി നേടിയിരുന്നു.
