സോഷ്യൽ മീഡിയയിൽ സിനിമാ താരങ്ങളുടെ ഔട്ട്ഫിറ്റുകൾ എപ്പോഴും വൈറൽ ആയി മാറാറുണ്ട്. അതിൽ പ്രധാനപ്പെട്ട ഒരാളാണ് മമ്മൂട്ടി. ഏത് പരിപാടിയിലായാലും മമ്മൂട്ടി ആ വ്യത്യസ്തത കൊണ്ടുവരാറുണ്ട്. താരത്തിന്‍റെ അത്തരത്തിലൊരു ലുക്കാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഭ്രമയുഗം എന്ന പുതിയ ചിത്രത്തിന്‍റെ പ്രസ് മീറ്റിൽ എത്തിയ മമ്മൂട്ടിയുടെ ലുക്കാണിത്.
ബ്ലാക് ആൻഡ് വൈറ്റ് കോമ്പോയിൽ ആണ് ഭ്രമയുഗം തിയറ്ററിൽ എത്തുന്നത്. അതുകൊണ്ട് തന്നെ ഈ കോമ്പോയിൽ ആയിരുന്നു അണിയറ പ്രവർത്തകർ പ്രസ്മീറ്റിൽ എത്തിയതും. സ്റ്റൈലിഷ് ലുക്കിൽ വെള്ള ഷർട്ടും കറുത്ത പാന്‍റ്സും ധരിച്ച് മാസായി എത്തിയ മമ്മൂട്ടിയെയാണ് ഫോട്ടോകളിലും വീഡിയോകളിലും കാണാൻ സാധിക്കുന്നത്. ടർബോ എന്ന പുതിയ ചിത്രത്തിന്‍റെ ഹെയർ സ്റ്റൈലാണ് മമ്മൂട്ടിയുടേത്.
സോഷ്യൽ മീഡിയയിൽ ഭ്രമയുഗം പ്രസ് മീറ്റ് എന്ന് കുറിച്ച് മമ്മൂട്ടിയും ചില സ്റ്റില്ലുകൾ പങ്കുവച്ചിരുന്നു. ഇതിന് പിന്നാലെ നിരവധി പേരാണ് കമന്‍റുമായി രംഗത്ത് എത്തിയത്. “നിങ്ങൾ ഒരു ജിന്ന് ആണ്, ഈ 72-ാമത്തെ വയസിലും ഇത് പോലെ മൊഞ്ചുള്ള ഒരു ജിന്ന് വേറെ കാണൂല്ലാ, മനുഷ്യ ഇതെന്ത് ഭാവിച്ചാ..നിങ്ങൾക്ക് 72 വയസായി അറിയോ?’ എന്നിങ്ങനെ പോകുന്നു സോഷ്യൽ മീഡിയയിലെ കമന്‍റുകൾ.
