മലയാളത്തിന്‍റെ മെഗാ സ്റ്റാർ മമ്മൂട്ടിയുടെ ഫോട്ടോ സെൻസ് പറയേണ്ടതില്ലല്ലോ… കാമറ ഏത് ആംഗിളില്‍ വച്ചാലും മമ്മൂക്കയുടെ ലുക്ക് റെഡിയാണ്.
അങ്ങനെയൊരു ലുക്കും ചിത്രവുമാണിപ്പോൾ സമൂഹ മാധ്യമങ്ങളിൽ വൈറലാകുന്നത്. പ്രായം റിവേഴ്‌സ് ഗിയറില്‍ എന്ന പ്രയോഗം അക്ഷരാർഥത്തില്‍ ശരിവയ്ക്കാം മമ്മൂട്ടിയുടെ കാര്യത്തില്‍. ഫാഷന്‍ ഫോട്ടോഗ്രാഫറും അഭിനേതാവുമായ ഷാനി ഷാകിയാണ് ഫോട്ടോഗ്രാഫർ.
മമ്മൂട്ടി തന്നെയാണ് ഫോട്ടോയുടെ സ്റ്റൈലിംഗ് ചെയ്തിട്ടുള്ളതെന്നായിരുന്നു ഷാനി കുറിച്ചത്. രസകരമായ കമന്‍റുകളാണ് ചിത്രങ്ങള്‍ക്ക് ലഭിച്ചുകൊണ്ടിരിക്കുന്നത്. ഇങ്ങേരൊക്കെ എന്തിട്ട് വന്നാലും ഒടുക്കത്തെ ലുക്കല്ലേ, 32 തികഞ്ഞ ചെറുപ്പക്കാരന്‍, ഇപ്പോഴത്തെ പിള്ളേരുടെ ഓരോ ഫാഷനേ, ഈ പയ്യന് വേറെ പണിയൊന്നുമില്ലേ, വെറുതെ നാട്ടുകാരെക്കൊണ്ട് പറയിപ്പിക്കാന്‍, ഇതൊന്നും അത്ര നല്ലതല്ലാട്ടോ, വീണ്ടും സോഷ്യല്‍മീഡിയ ഇളക്കി മറിച്ചു, ഇങ്ങളിതെന്ത് ഭാവിച്ചാണ്, പിള്ളേരൊക്കെ മാറി നിന്നോളൂട്ടോ… എന്നിങ്ങനെ പോകുന്നു കമന്‍റുകൾ.
