പോലീസ് വേഷങ്ങളിൽ എപ്പോഴും അത്യുഗ്രൻ പ്രകടനങ്ങൾ കാഴ്ചവച്ചിട്ടുള്ള മമ്മൂട്ടി വീണ്ടും പോലീസ് വേഷത്തിൽ. ഒന്നല്ല രണ്ട് ചിത്രങ്ങളിലാണ് മമ്മൂട്ടി പോലീസ് വേഷത്തിലെത്തുന്നത്. കസബയാണ് ഏറ്റവും ഒടുവിൽ മമ്മൂട്ടി പോലീസ് വേഷ്തതിലെത്തിയ ചിത്രം. ശ്യാംദത്ത് സംവിധാനം ചെയ്യുന്ന സ്ട്രീറ്റ് ലൈറ്റ്സ്, ഷാജി പാടൂര്‍ സംവിധാനം ചെയ്യുന്ന അബ്രഹാമിന്‍റെ സന്തതികള്‍ എന്നീ ചിത്രങ്ങളിലാണ് മമ്മൂട്ടി പോലീസ് വേഷത്തിലെത്തുക. സ്ട്രീറ്റ് ലൈറ്റ്സ് ജനുവരി 26ന് തിയറ്ററുകളിലെത്തും.
അതേസമയം അബ്രഹാമിന്‍റെ സന്തതികളുടെ ചിത്രീകരണം ജനുവരി ഒന്നിന് ആരംഭിക്കും. ദീര്‍ഘകാലം അസോസിയേറ്റ് ഡയറക്ടറായിരുന്ന ഷാജി പാടൂര്‍ ആദ്യമായി സംവിധാനം ചെയ്യുന്ന ചിത്രമാണ് അബ്രഹാമിന്‍റെ സന്തതികള്‍. ദ ഗ്രേറ്റ് ഫാദറിന്‍റെ സംവിധായകന്‍ ഫനീഫ് അദേനിയാണ് തിരക്കഥ ഒരുക്കുന്നത് . ഗുഡ്‌വില്‍ എന്‍റര്‍ടെയിന്‍മെന്‍റിന്‍റെ ബാനറില്‍ ജോബി ജോര്‍ജ് നിര്‍മിക്കുന്ന ചിത്രമാണ് അബ്രഹാമിന്‍റെ സന്തതികള്‍. രാജാധിരാജയ്ക്ക് ശേഷം അജയ് വാസുദേവ് സംവിധാനം ചെയ്യുന്ന മാസ്റ്റര്‍പീസാണ് മമ്മൂട്ടിയുടേതായി പുറത്തിറങ്ങാനിരിക്കുന്ന ചിത്രം.
