സോഷ്യൽ മീഡിയയിൽ മമ്മൂട്ടി പങ്കുവച്ച ഏറ്റവും പുതിയ ചിത്രമാണ് ഇപ്പോൾ വൈറലാകുന്നത്. ആരാധകരെ തന്‍റെ ഫാഷൻ സെൻസ് കൊണ്ട് മമ്മൂട്ടി ഞെട്ടിക്കുന്നത് ഇത് ആദ്യമായല്ല. “In search of ….” എന്ന അടികുറിപ്പോടെയാണ് പുതിയ ചിത്രങ്ങൾ താരം പങ്കുവച്ചിരിക്കുന്നത്.
‘ഇക്ക ഇക്ക എന്ന് വിളിച്ച നാവ് കൊണ്ട് ചെക്കാ ചെക്കാ എന്ന് വിളിപ്പിക്കും ഇങ്ങേർ’,’അടുത്ത മാസം 73 ആകുമെന്ന വല്ല അഹങ്കാരവും ഉണ്ടോന്ന് നോക്ക് ആ മുഖത്ത് ‘ എന്നിങ്ങനെ നിരവധി രസകരമായ കമന്‍റുകളാണ് ചിത്രത്തിന് ലഭിച്ചിരിക്കുന്നത്.
ഈ ലുക്കില്‍ ഡീക്യൂ ഫാൻസ്‌ അസ്വസ്ഥരാണെന്നും എന്താണ് ഈ ലുക്കിന്‍റെ രഹസ്യമെന്നും കമന്‍റുകളുണ്ട്. അതേ സമയം മമ്മൂട്ടി ചിത്രം ബസൂക്കയുടെ ടീസര്‍ ഓഗസ്റ്റ് 15 സ്വാതന്ത്ര്യദിനത്തില്‍ പ്രേക്ഷകര്‍ക്ക് മുന്‍പിലെത്തും.
