തന്‍റെ പേഴ്സണൽ മേക്കപ്പ് ആർട്ടിസ്റ്റിന്‍റെ ഗൃഹപ്രവേശനത്തിനായി തിരക്കുകൾക്കി‌ടയിലും ഓടിയെത്തുന്ന നടൻ മമ്മൂട്ടിയുടെ വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്.
മമ്മൂട്ടിയുടെ പേഴ്സണൽ മേക്കപ്പ് ആർട്ടിസ്റ്റ് സലാം അരൂക്കുറ്റിയുടെ പുതിയ വീട്ടിലാണ് മമ്മൂട്ടി അപ്രതീക്ഷിതമായി എത്തിയത്. ഷൂട്ടിംഗിന്‍റെ തിരക്കുകളിലായിരുന്നതിനാൽ ഗൃഹപ്രവേശനത്തിന് എത്തുന്ന കാര്യത്തിൽ താരം ഉറപ്പുനൽകിയിരുന്നില്ല. തിരക്കുകൾ ഉണ്ടെന്ന് അറിയാവുന്നതിനാൽ സലാമും മമ്മൂട്ടി എത്തില്ലെന്നാണ് കരുതിയിരുന്നത്.
വീഡിയോ കാണാൻ ഇവിടെ ക്ലിക്ക് ചെയ്യുക
എന്നാൽ അപ്രതീക്ഷിതമായി തന്‍റെ പ്രിയപ്പെട്ട മമ്മൂക്ക എത്തിയതിന്‍റെ സന്തോഷത്തിലാണ് സലാമും കുടുംബവും. മുണ്ടുടത്ത് തനി നാടൻ വേഷത്തിലാണ് താരം എത്തിയത്. കുടുംബത്തിനൊപ്പം ഏറെ നേരം ചിലവഴിക്കുകയും ചെയ്തു.
ഇപ്പോഴിതാ സഹപ്രവർത്തകരോടുള്ള മമ്മൂട്ടിയുടെ കരുതലും സ്നേഹവുമാണ് ആളുകൾ എടുത്ത് പറയുന്നത്. എത്ര തിരക്കുണ്ടെങ്കിലും തനിക്കായി ജോലി ചെയ്യുന്നവരുടെ സന്തോഷത്തിൽ പങ്കുചേരാൻ എത്തിയ മമ്മൂട്ടിയുടെ മനസിനെയാണ് എല്ലാവരും അഭിനന്ദിക്കുന്നത്.
