പ്ര​വാ​സി മ​ല​യാ​ളി​യു​ടെ അ​ട​ഞ്ഞു​കി​ട​ന്ന വീ​ട്ടി​ൽ മോ​ഷ​ണം; നാല് ലക്ഷം രൂപയുടെ സാധനം കടത്തി; കള്ളന്മാരെ കണ്ടെത്തിയ ഇടം പോലീസുകാർക്ക് എളുപ്പം ചെല്ലാവുന്നയിടം…

ച​ങ്ങ​നാ​ശേ​രി: പ്ര​വാ​സി മ​ല​യാ​ളി​യു​ടെ മാ​മ്മൂ​ട്ടി​ലു​ള്ള അ​ട​ഞ്ഞു കി​ട​ന്ന വീ​ട്ടി​ൽ മോ​ഷ​ണം ന​ട​ത്തി​യ കേ​സി​ൽ കോ​ട്ട​യം സ​ബ് ജ​യി​ലി​ൽ ക​ഴി​ഞ്ഞി​രു​ന്ന ര​ണ്ടു പേ​രെ തൃ​ക്കൊ​ടി​ത്താ​നം പോ​ലീ​സ് അ​റ​സ്റ്റ് ചെ​യ്തു.

തി​രു​വ​ല്ല തു​ക​ല​ശേ​രി ശ​ര​ത് ശ​ശി(33), കാ​യം​കു​ളം പു​ല്ലു​കു​ള​ങ്ങ​ര സു​ധീ​ഷ്(35) എ​ന്നി​വ​രെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്.

സ്വി​റ്റ​്സ​ർലാ​ന്‍റി​ൽ ജോ​ലി ചെ​യ്ത് കു​ടും​ബ​സ​മേ​തം അ​വി​ടെ താ​മ​സി​ക്കു​ന്ന മാ​മ്മൂ​ട് പാ​റു​ക​ണ്ണി​ൽ ജോ​സ​ഫ് ദേ​വ​സ്യ​യു​ടെ അ​ട​ഞ്ഞു കി​ട​ന്ന വീ​ട്ടി​ലാ​ണ് മോ​ഷ​ണം ന​ട​ന്ന​ത്.

വീ​ട്ടി​ന​ക​ത്തെ വി​ദേ​ശ നി​ർ​മി​ത​വും വി​ല​പിടി​പ്പു​ള്ള​തു​മാ​യ പൈ​പ്പ് ഫി​റ്റിം​ഗ്സ്, ഉ​രു​ളി, നി​ല​വി​ള​ക്ക്, വി​ല​കൂ​ടി​യ പാ​ത്ര​ങ്ങ​ൾ എ​ന്നി​വ ഉ​ൾ​പ്പെ​ടെ നാ​ല​ര ല​ക്ഷ​ത്തോ​ളം രൂ​പ​യു​ടെ സാ​ധ​ന സാ​മഗ്രി​ക​ൾ മോ​ഷ​ണം ന​ട​ത്തി​യ​താ​യാ​ണ് പ്ര​തി​ക​ളു​ടെ പേ​രി​ലു​ള്ള കേ​സ് എ​ന്ന് പോ​ലീ​സ് പ​റ​ഞ്ഞു.

ച​ങ്ങ​നാ​ശേ​രി ഡി​വൈ​എ​സ്പി ശ്രീ​കു​മാ​റി​ന്‍റെ നി​ർ​ദേ​ശ പ്ര​കാ​രം തൃ​ക്കൊ​ടി​ത്താ​നം എ​സ്എ​ച്ച്ഒ എ.​അ​ജീ​ബ്, എ​സ് ഐ ​അ​ഖി​ൽ​ദേ​വ്, എ​എ​സ്ഐ ഷി​ബു, സ്ക്വാ​ഡ് അം​ഗ​ങ്ങ​ളാ​യ തോ​മ​സ് സ്റ്റാ​ൻ​ലി, സ​ന്തോ​ഷ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് കേ​സ് അ​ന്വേ​ഷ​ണം ന​ട​ത്തി പ്ര​തി​ക​ളെ അ​റ​സ്റ്റ് ചെ​യ്ത​ത്.

സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​തി​ങ്ങ​നെ: വൈ​കു​ന്നേ​ര​ങ്ങ​ളി​ൽ ശ​ര​തും സു​ധീ​ഷും ചേ​ർ​ന്ന് സ്കൂ​ട്ട​റി​ൽ സ​ഞ്ച​രി​ച്ച് ആ​ൾ​താ​മ​സ​മി​ല്ലാ​ത്ത വീ​ടു​ക​ൾ ക​ണ്ടെ​ത്തി വ​യ്ക്കും.

പി​ന്നീ​ട് അ​വ​സ​രം നോ​ക്കി രാ​ത്രി​യി​ൽ എ​ത്തി മോ​ഷ്ടി​ക്കു​ക​യാ​ണ് പ​തി​വ്. ഇ​തേ രീ​തി​യി​ലാ​ണ് മാ​മ്മൂ​ട്ടി​ലെ വീ​ട് ക​ണ്ടെ​ത്തി പ്ര​തി​ക​ൾ മോ​ഷ​ണം ന​ട​ത്തി​യ​ത്.

ജോ​സ​ഫ് ദേ​വ​സ്യ തൃ​ക്കൊ​ടി​ത്താ​നം പോ​ലീ​സി​നു ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ സ​മാ​ന രീ​തി​യി​ൽ മോ​ഷ​ണം ന​ട​ത്തു​ന്ന കു​റ്റ​വാ​ളി​ക​ളെ​ക്കു​റി​ച്ച് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് കോ​ട്ട​യം സ​ബ് ജ​യി​ലി​ൽ ക​ഴി​ഞ്ഞി​രു​ന്ന ശ​ര​ത്തി​നേ​യും സു​ധീ​ഷ​നേ​യും പോ​ലീ​സി​ന് പി​ടി​കൂ​ടാ​ൻ ക​ഴി​ഞ്ഞ​ത്.

ഇ​രു​വ​രു​ടെ​യും പേ​രി​ൽ വി​വി​ധ പോ​ലീ​സ് സ്റ്റേ​ഷ​നു​ക​ളി​ൽ നി​ര​വ​ധി കേ​സു​ക​ളു​ള്ള​താ​യി പോ​ലീ​സ് പ​റ​ഞ്ഞു.