മണര്‍കാട്: യുവാവിനെ കൊലപ്പെടുത്താന്‍ ശ്രമിച്ച കേസില്‍ ഒളിവിലായിരുന്ന മുഖ്യപ്രതിയെ പോലീസ് അറസ്റ്റ് ചെയ്തു. വടവാതൂര്‍ ശാന്തിഗ്രാം കോളനി പുത്തന്‍പറമ്പില്‍ രഘിലാലിനെ(30)യാണു മണര്‍കാട് പോലീസ് അറസ്റ്റ് ചെയ്തത്.
ഇയാളും സുഹൃത്തുക്കളും ചേര്‍ന്ന് 20നു രാത്രി രാത്രി വടവാതൂര്‍ കുരിശുകവലയ്ക്കുസമീപം വാടകയ്ക്കു താമസിക്കുന്ന മലപ്പുറം സ്വദേശിയായ യുവാവിനെ ആക്രമിച്ചു കൊലപ്പെടുത്താന്‍ ശ്രമിക്കുകയായിരുന്നു.
വടവാതൂരില്‍ പ്രവര്‍ത്തിക്കുന്ന റബര്‍ ഫാക്ടറി ജീവനക്കാരനാണ് ആക്രമണത്തിനിരയായത്. യുവാവ് കുരിശുകവലയ്ക്കുസമീപം നിൽക്കുന്പോൾ പെട്ടി ഓട്ടോറിക്ഷയില്‍ എത്തിയ സംഘം യുവാവിനെ ചോദ്യം ചെയ്യുകയും മര്‍ദിക്കുകയും ഇടിക്കട്ടകൊണ്ടു തലയ്ക്കിടിക്കുകയുമായിരുന്നു.
