ലോക്ക് ഡൗണ്‍ പ്രഖ്യാപിച്ചിട്ടും നിസ്സാര ആവശ്യങ്ങള്‍ പറഞ്ഞ് പുറത്ത് ഇറങ്ങുന്ന ആളുകളുടെ എണ്ണം അനുദിനം ഉയരുകയാണ്.
പിടിയിലായ യാത്രക്കാരന്‍ പറഞ്ഞത് കേട്ട് പോലീസുകാരു പോലും ഞെട്ടി. അഞ്ചു കിലോമീറ്റര്‍ ദൂരം വണ്ടി ഓടിച്ചാണ് ഇയാള്‍ ടൗണിലെത്തിയത്.
പാറക്കോട് ഭാഗത്തു നിന്നും എത്തിയ ഇരുചക്രവാഹനം പോലീസ് കൈ കാണിച്ച് നിര്‍ത്തുകയായിരുന്നു.
എന്തിനാണ് പുറത്തിറങ്ങിയതെന്ന് പോലീസ് ചോദിച്ചപ്പോള്‍ മൊട്ടുസൂചി വാങ്ങാന്‍ കടയിലെത്തിയതായിരുന്നു എന്നായിരുന്നു ഇയാളുടെ മറുപടി.
ഇതോടെ വാഹനം ഉള്‍പ്പെടെ പോലീസ് പൊക്കുകയായിരുന്നു. തുടര്‍ന്ന് ഇയാള്‍ തിരികെ വീട്ടിലേക്ക് നടന്നാണ് മടങ്ങിയത്.
