തട്ടിക്കൊണ്ടു പോകപ്പെട്ട ഭാര്യയെ നേരിട്ടെത്തി മോചിപ്പിച്ച് യുവാവ്. ബീഹാറിലെ ഷെയ്ഖ്പുര ജില്ലയിലെ സദര്‍ ബ്ലോക്കിലെ മതോഖര്‍ ഗ്രാമത്തിലാണ് സംഭവം.
ഷെയ്ഖ്പുരയിലെ ഹുസൈനാബാദിലാണ് ജൂലായ് പതിനാറിന് രാജുവിന്റെ ഭാര്യയെ വികാഷ് കുമാര്‍ എന്നയാള്‍ തട്ടിക്കൊണ്ടു പോവുകയായിരുന്നു.
ഭാര്യയെ രക്ഷിക്കാന്‍ പിസ്റ്റളും വെടിയുണ്ടകളും കൊണ്ടാണ് രാജു തിരക്കി ഇറങ്ങിയത്. രാജു വീട്ടിലില്ലാത്ത സമയത്താണ് ഭാര്യയെ വികാഷ് കുമാര്‍ തട്ടിക്കൊണ്ടുപോയത്.
വികാഷ് കുമാറിന്റെ വീട്ടിലെത്തി തോക്കു ചൂണ്ടി ബഹളം വച്ചതോടെ നാട്ടുകാര്‍ പോലീസില്‍ വിവരമറിയിക്കുകയായിരുന്നു.
പോലീസ് സ്ഥലത്തെത്തി രാജുവിനെയും വികാസിനെയും അറസ്റ്റ് ചെയ്തു. യുവതിയെ തട്ടിക്കൊണ്ടുപോയതിന് വികാസിനെതിരേയും ആയുധ നിയമപ്രകാരം രാജുവിനെതിരെയും കേസെടുത്തു.
യുവതിയെ തിരികെ വീട്ടിലേക്ക് അയക്കുകയും ചെയ്തു. യുവാവില്‍ നിന്നും പിസ്റ്റളും ഏഴ് വെടിയുണ്ടകളും പിടികൂടിയതായി പോലീസ് പറഞ്ഞു.
