വർക്കല: വീട് വാടകയ്ക്കെടുത്തു കൊടുക്കാമെന്നു പറഞ്ഞു യുവതിയെ പല സ്ഥലങ്ങളിലെത്തിച്ച് പീഡനം നടത്തിയ കേസിലെ പ്രതിയെ പോലീസ് അറസ്റ്റ് ചെയ്തു.
വർക്കല രഘുനാഥപുരം സ്വദേശി കടയിൽവീട്ടിൽ ഷാക്കർ (37) ആണ് അറസ്റ്റിലായത്.
യുവതിയെ വാടകവീട്ടിൽ വച്ച് പീഡിപ്പിച്ച ശേഷം റൂമിൽ സൂക്ഷിച്ചിരുന്ന 40,000 രൂപയും യുവതിയുടെ സ്കൂട്ടറുമായി പ്രതി കടന്നുകളയുകയായിരുന്നു.
വർക്കല ഡിവൈഎസ്പി പി. നിയാസിന്‍റെ നേതൃത്വത്തിൽ അറസ്റ്റ് ചെയ്ത പ്രതിയിൽ നിന്ന് കാറും യുവതിയിൽ നിന്ന് തട്ടിയെടുത്ത സ്കൂട്ടറും കണ്ടെടുത്തു.
ഡാൻസാഫ് ടീമംഗങ്ങളായ എസ്ഐ ഫിറോസ്ഖാൻ, എഎസ്ഐ ബിജു കുമാർ, സുനിൽരാജ്, ഡിവൈഎസ്പിയുടെ കുറ്റാന്വേഷണ സംഘത്തിലെ ടീമംഗങ്ങളായ എസ്ഐ ഗോപകുമാർ,
എഎസ്ഐ ബൈജു, ഹരീഷ്, ഷൈജു, കണ്ണൻ പിള്ള ,എഎസ്ഐ ബൈജു, എസ്‌സിപിഒവിനോദ് എന്നിവർ അറസ്റ്റിനു നേതൃത്വം നൽകി. പ്രതിയെ വിവിധ സ്ഥലങ്ങളിൽ എത്തിച്ചു തെളിവെടുപ്പ് നടത്തി.
