സാഹസികത നല്ലതാണ്. എന്നാൽ സ്വന്തം ജീവൻ വച്ച് സാഹസികത ചെയ്യുന്നത് മണ്ഡത്തരമാണ്. എപ്പോഴും അവ വിജയിക്കണമെന്നില്ല. പ്രത്യേകിച്ച് മൃഗങ്ങളോട് ഇടപെടുമ്പോൾ നല്ല ശ്രദ്ധ വേണം. സോഷ്യൽ മീഡിയയിൽ ലൈക്ക് കിട്ടാനും വൈറലാകാനുമുള്ള ഏറ്റവും നല്ല എളുപ്പവഴിയാണ് മൃഗങ്ങൾക്കൊപ്പം വീഡിയോ ചെയ്യുക എന്നത്.
എന്നാൽ അത്തരത്തിലൊരു വീഡിയോ ചെയ്ത് പണി വാങ്ങിച്ചിരിക്കുകയാണ് ഒരു യുവാവ്. മൃഗങ്ങളെ വച്ച് വീഡിയോ ചെയ്യുന്നവർക്ക് ഒരു മുന്നറിയിപ്പ് കൂടിയാണ് ഇത്. കണ്ടാൽ അത്ര അപകടകാരിയല്ലന്ന് തോന്നുന്ന ഒരു ചെറിയ ചീങ്കണ്ണിയായിരുന്നു യുവാവിന്‍റെ കൈയിൽ ഉണ്ടായിരുന്നത്. ഈ ചീങ്കണ്ണിയെ യുവാവ് വാത്സല്യത്തോടെ തലോലിക്കുകയാണ്.
എന്നാൽ വളരെ പെട്ടന്നാണ് കഥമാറിയത്. ചീങ്കണ്ണിക്കുഞ്ഞിനെ ഉമ്മവയ്ക്കാൻ ശ്രമിച്ച് യുവാവ് അടുത്തെത്തിയപ്പോഴേക്കും തൊട്ടടുത്ത നിമിഷം തന്നെ ചീങ്കണ്ണി ഇയാളുടെ മൂക്കിൽ കടിച്ചു. കടിച്ചെന്ന് മാത്രമല്ല പിടിവിടാനും ചീങ്കണ്ണി തയാറായില്ലന്നതാണ് സത്യം.
വളരെ പാടുപെട്ടാണ് യുവാവ് ചീങ്കണ്ണിയുടെ പിടിവിടുവിപ്പിച്ചത്. തുടർന്ന് ഇതിനെ മാറ്റി പിടിച്ചു. യുവാവിന്‍റെ പരിക്ക് പറ്റിയ മൂക്കിന്‍റെ അവസ്ഥയും വീഡിയോയിൽ കാണാവുന്നതാണ്. ഇനി എന്തായാലും ഇത്തരത്തിലൊരു സാഹസികതയ്ക്ക് യുവാവ് തയാറാകില്ല.
വീഡിയോ കാണാൻ ഇവിടെ ക്ലിക്ക് ചെയ്യുക
