ചങ്ങനാശേരി: ഫേസ്ബുക്ക് വഴി പരിചയപ്പെട്ട പെണ്‍കുട്ടിയെ പീഡിപ്പിക്കാൻ ശ്രമിച്ച യുവാവ് അറസ്റ്റിൽ. കുട്ടനാട് ചേന്നങ്കരി രണ്ടുപറ വീട്ടിൽ സച്ചു മോൻ(25)ആണ് അറസ്റ്റിലായത്.
പത്തനംതിട്ട സ്വദേശിയായ 16കാരി പെണ്‍കുട്ടിയുമായി സച്ചുമോൻ ഫേസ്ബുക്ക് വഴി പരിചയപ്പെടുകയും നാളുകളായി ബന്ധം പുലർത്തുകയുമായിരുന്നു.
പെണ്‍കുട്ടി കഴിഞ്ഞ ദിവസം വാകത്താനത്തുള്ള ബന്ധുവീട്ടിൽ എത്തി. ഈ സമയം പ്രതി രാത്രിയിൽ പെണ്‍കുട്ടിയുടെ ബന്ധു വീട്ടിലെത്തി.
തുടർന്നു പെണ്‍കുട്ടിയെ വിളിച്ചു പുറത്തിറക്കാൻ ശ്രമിക്കുകയായിരുന്നു. ബന്ധുക്കൾ സംഭവമറിഞ്ഞതോടെ പ്രതിയെ പിടികൂടി വാകത്താനം പോലീസിൽ ഏൽപ്പിക്കുകയുമായിരുന്നു.
വാകത്താനം സിഐ കെ.പി. തോംസണിന്റെ നേതൃത്വത്തിൽ അറസ്റ്റു ചെയ് ത പ്രതിയെ പോക്സോ കേസ് ചുമത്തി കോടതിയിൽ ഹാജരാക്കി റിമാൻഡ് ചെയ്തു.
