രോ​ഗി​യു​ടെ ദേ​ഹ​ത്ത് മൂന്നു കി​ലോ​യു​ള്ള ട്രേ വ​ച്ചത് നഴ്സിന്‍റേത് ഗു​രു​ത​ര​വീ​ഴ്ചയെ​ന്ന് ഡോ​ക്ട​ർ; ചെയ്ത തെറ്റിന്‍റെ ഗൗ​ര​വം മ​ന​സി​ലാ​ക്കാ​ൻ വേ​ണ്ടി​യാ​ണ് അങ്ങനെ ചെയ്തത്; ഡോക്ടറിന്‍റെ വിശദീകരണം ഇങ്ങനെ…

കോ​ട്ട​യം: കോ​ട്ട​യം മെ​ഡി​ക്ക​ൽ കോ​ള​ജി​ലെ ന​ഴ്സു​മാ​രു​ടെ ആ​രോ​പ​ണ​ത്തി​ന് ശ​സ്ത്ര​ക്രി​യാ വി​ഭാ​ഗം മേ​ധാ​വി​യാ​യ ഡോ​ക്ട​റു​ടെ മ​റു​പ​ടി. ന​ഴ്സി​ന്‍റെ ഭാ​ഗ​ത്തു​നി​ന്നു​ണ്ടാ​യ​ത് ഗു​രു​ത​ര​വീ​ഴ്ച്ച​യെ​ന്ന് ഡോ​ക്ട​ർ ജോ​ൺ.​എ​സ്.​കു​ര്യ​ൻ പ​റ​ഞ്ഞു. ഡോ​ക്ട​ർ മാ​ന​സി​ക​മാ​യി പീ​ഡി​പ്പി​ച്ചെ​ന്നാ​രോ​പി​ച്ച് ന​ഴ്സു​മാ​ർ പ​ണി​മു​ട​ക്കു​ന്ന പ​ശ്ചാ​ത്ത​ല​ത്തി​ലാ​ണ് ഡോ​ക്ട​റു​ടെ വി​ശ​ദീ​ക​ര​ണം.

ഐ​സി​യു​വി​ൽ രോ​ഗി​ക​ളെ പ​രി​ശോ​ധി​ക്കു​ന്ന​തി​നി​ടെ മാ​ന​സി​ക​മാ​യി പീ​ഡി​പ്പി​ച്ചെ​ന്നാ​ണ് ന​ഴ്സി​ന്‍റെ പ​രാ​തി.മൂന്നു കി​ലോ​യു​ള്ള ട്രേ​യാണ് ന​ഴ്സ് രോ​ഗി​യു​ടെ ദേ​ഹ​ത്ത് വ​ച്ച​തെ​ന്ന് ഡോ​ക്ട​ർ പ​റ​ഞ്ഞു. ഗൗ​ര​വം മ​ന​സി​ലാ​ക്കാ​ൻ വേ​ണ്ടി​യാ​ണ് മൂ​ന്നു മി​നി​റ്റ് നേ​രം ന​ഴ്സി​നെ ക​ട്ടി​ലി​ൽ കി​ട​ത്തി ദേ​ഹ​ത്ത് ഗ്ലൂ​ക്കോ​മീ​റ്റ​ർ അ​ട​ങ്ങി​യ ട്രേ ​വ​ച്ച​ത്. സം​ഭ​വ​ത്തി​ൽ ന​ഴ്സി​നോ​ട് ഖേ​ദം പ്ര​ക​ടി​പ്പി​ക്കാ​ൻ ത​യാ​റാ​ണെ​ന്നും ഡോ​ക്ട​ർ പ​റ​ഞ്ഞു.

സം​ഭ​വ​ത്തെ​തു​ട​ർ​ന്ന് ര​ണ്ടു ദി​വ​സ​മാ​യി ന​ഴ്സ് ആ​ശു​പ​ത്രി​യി​ൽ എ​ത്തി​യി​രു​ന്നി​ല്ല. സം​ഭ​വം മാ​താ​പി​താ​ക്ക​ളോ​ട് പ​റ​ഞ്ഞ​തോ​ടെ ആ​ശു​പ​ത്രി അ​ധി​കൃ​ത​ർ​ക്ക് പ​രാ​തി ന​ൽ​കു​ക​യാ​യി​രു​ന്നു. ഇ​തോ​ടെ ഡോ​ക്ട​ർ​ക്കെ​തി​രെ ന​ട​പ​ടി ആ​വ​ശ്യ​പ്പെ​ട്ട് സ​മ​രം ആ​രം​ഭി​ക്കാ​ൻ ന​ഴ്സു​മാ​ർ തീ​രു​മാ​നി​ക്കു​ക​യാ​യി​രു​ന്നു.

ഡോ​ക്ട​ർ​ക്കെ​തി​രെ ന​ട​പ​ടി എ​ടു​ക്കും​വ​രെ സ​മ​രം തു​ട​രു​മെ​ന്നാ​ണ് ന​ഴ്സു​മാ​രു​ടെ നി​ല​പാ​ട്. ഇ​ന്ന് രാ​വി​ലെ വെ​ള്ളി​യാ​ഴ്ച രാ​വി​ലെ എ​ട്ടി​നാ​രം​ഭി​ച്ച പ​ണി​മു​ട​ക്കി​ൽ നൂ​റി​ല​ധി​കം ന​ഴ്സു​മാ​ർ പ​ങ്കെ​ടു​ക്കു​ന്നു​ണ്ട്.