മം​ഗ​ലം ഡാ​മി​ലെ ഉ​ദ്യാ​ന​ ന​വീ​ക​ര​ണം; കോ​ടി​ക​ളു​ടെ ദു​ർ​വ്യ​യ​മെ​ന്ന് ആക്ഷേപം

മം​ഗ​ലം​ഡാം: ഉ​ദ്യാ​ന​ന​വീ​ക​ര​ണ​മെ​ന്ന പേ​രി​ൽ മം​ഗ​ലം​ഡാ​മി​ൽ ന​ട​ക്കു​ന്ന​ത് കോ​ടി​ക​ളു​ടെ ദു​ർ​വ്യ​യ​മെ​ന്നു ആ​ക്ഷേ​പം. റി​സ​ർ​വോ​യ​റി​ന്‍റെ ഓ​ര​ത്ത് ബോ​ട്ട് ജെ​ട്ടി​ക്കു​സ​മീ​പം ട്ര​ഞ്ച് കു​ഴി​ച്ചു​ള്ള നി​ർ​മാ​ണ​പ്ര​വൃ​ത്തി​ക​ളും നി​ല​വി​ലു​ള്ള കു​ട്ടി​ക​ളു​ടെ പാ​ർ​ക്ക് ഇ​വി​ടേ​യ്ക്ക് മാ​റ്റു​ന്ന​തു​മെ​ല്ലാം കു​റേ ഫ​ണ്ട് ചെ​ല​വ​ഴി​ക്ക​ൽ മാ​ത്ര​മാ​യി മാ​റു​ന്നു​ണ്ടെ​ന്നാ​ണ് ആ​രോ​പ​ണം ഉ​യ​രു​ന്ന​ത്.

അ​ഞ്ചു​വ​ർ​ഷം​മു​ന്പ് നാ​ല​ര​കോ​ടി രൂ​പ മു​ത​ൽ​മു​ട​ക്കി​ൽ ഉ​ണ്ടാ​ക്കി​യ ന​വീ​ക​ര​ണ പ്ര​വൃ​ത്തി​ക​ളെ​ല്ലാം സം​ര​ക്ഷ​ണ​മി​ല്ലാ​തെ​യും യ​ഥാ​സ​മ​യം അ​റ്റ​കു​റ്റ​പ്പ​ണി​ക​ളി​ല്ലാ​തെ​യും ന​ശി​ക്കു​ന്ന​തി​നി​ടെ​യാ​ണ് വീ​ണ്ടും അ​ഞ്ചു​കോ​ടി​യോ​ളം രൂ​പ​ചെ​ല​വി​ൽ പു​തി​യ പ​ദ്ധ​തി​ക​ൾ ന​ട​ത്തു​ന്ന​ത്. ഇ​തി​നു പി​ന്നാ​ലെ ഇ​രു​പ​ത്തി​യ​ഞ്ചു​കോ​ടി​യു​ടെ ബൃ​ഹ​ദ്പ​ദ്ധ​തി​കൂ​ടി വ​രു​ന്നു​ണ്ടെ​ന്നാ​ണ് പ​റ​യു​ന്ന​ത്.

കോ​ടി​ക​ൾ മു​ട​ക്കു​ന്ന​ത​ല്ലാ​തെ ഡാം ​കാ​ണാ​നെ​ത്തു​ന്ന​വ​ർ​ക്ക് കു​ടി​വെ​ള്ളം ഉ​ൾ​പ്പെ​ടെ​യു​ള്ള പ്രാ​ഥ​മി​ക സൗ​ക​ര്യ​ങ്ങ​ൾ​ക്കു​പോ​ലും സൗ​ക​ര്യ​മി​ല്ല. ആ​ർ​ക്കൊ​ക്കെ​യോ​വേ​ണ്ടി കോ​ടി​ക​ളു​ടെ പ​ദ്ധ​തി​ക​ൾ വ​രി​ക​യും പോ​കു​ക​യും ചെ​യ്യു​ന്നു. ഏ​റെ ല​ക്ഷ​ങ്ങ​ൾ ചെ​ല​വ​ഴി​ച്ചാ​ണ് ഏ​താ​നും​വ​ർ​ഷം​മു​ന്പു മാ​ത്രം പ​ഴ​യ പോ​ലീ​സ് സ്റ്റേ​ഷ​നു​സ​മീ​പം കു​ട്ടി​ക​ളു​ടെ പാ​ർ​ക്ക് സ്ഥാ​പി​ച്ച​ത്.

ഇ​പ്പോ​ൾ പ​റ​യു​ന്നു പാ​ർ​ക്കി​ന്‍റെ സ്ഥാ​നം ശ​രി​യ​ല്ലെ​ന്നും ഡാം ​സൈ​റ്റി​ലേ​ക്ക് പാ​ർ​ക്ക് മാ​റ്റി സ്ഥാ​പി​ക്ക​ണ​മെ​ന്നും. ഒ​ന്ന​ര​വ​ർ​ഷം​മു​ന്പ് പൂ​ർ​ത്തി​യാ​ക്കു​മെ​ന്നു പ​റ​ഞ്ഞാ​ണ് ക​ഴി​ഞ്ഞ മാ​ർ​ച്ചി​ൽ ഉ​ദ്യാ​ന ന​വീ​ക​ര​ണ​ത്തി​ന്‍റെ നി​ർ​മാ​ണോ​ദ്ഘാ​ട​നം ടൂ​റി​സം​മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ നി​ർ​വ​ഹി​ച്ച​ത്.

നി​ർ​മാ​ണോ​ദ്ഘാ​ട​നം ന​ട​ന്നു എ​ട്ടു​മാ​സം പി​ന്നി​ടു​ന്പോ​ൾ പ​ണി​ക​ൾ ഏ​താ​ണ്ടു പൂ​ർ​ത്തി​യാ​യ​ത് മ​ഴ​മാ​പി​നി​ക്ക​ടു​ത്തു വാ​ഹ​ന​പാ​ർ​ക്കിം​ഗി​നു​ള്ള ക​ല്ലു​കെ​ട്ട​ലും സ്റ്റേ​ജ് നി​ർ​മാ​ണ​വും ട്ര​ഞ്ച് കു​ഴി​ക്ക​ലും മാ​ത്രം.മൂ​ന്നോ നാ​ലോ ആ​ളു​ക​ളെ​വ​ച്ച് ഒ​ച്ചി​ഴ​യും​മ​ട്ടി​ലാ​ണ് പ​ണി​ക​ൾ ന​ട​ക്കു​ന്ന​ത്. എ​റ​ണാ​കു​ള​ത്തെ വാ​പ്പ്കോ​സ് ലി​മി​റ്റ​ഡ് എ​ന്ന ഏ​ജ​ൻ​സി​യാ​ണ് 4.76 കോ​ടി രൂ​പ​യു​ടെ വ​ർ​ക്കു​ക​ൾ ക​രാ​ർ എ​ടു​ത്തി​രു​ന്ന​തെ​ങ്കി​ലും ഇ​വ​ർ മ​റ്റൊ​രു ഏ​ജ​ൻ​സി​ക്ക് സ​ബ് ക​രാ​ർ ന​ല്കി​യി​രി​ക്കു​ക​യാ​ണ്.

അ​ഡ്വ​ഞ്ച​ർ സ്പോ​ർ​ട്സ് ആ​ൻ​ഡ് കി​ഡ്സ് പാ​ർ​ക്ക്, റോ​പ്പ് വേ, ​റോ​ക്കിം​ഗ് ബോ​ട്ട്, ബാ​ല​ൻ​സിം​ഗ് ബ്രി​ഡ്ജ് തു​ട​ങ്ങി അ​ന്പ​തോ​ളം ചെ​റു​തും വ​ലു​തു​മാ​യ​പ​ദ്ധ​തി​ക​ൾ ഇ​നി പൂ​ർ​ത്തി​യാ​ക്കാ​നു​ണ്ട്. പ്ര​വൃ​ത്തി​ക​ളു​ടെ പൂ​ർ​ത്തീ​ക​ര​ണ കാ​ലാ​വ​ധി പ​കു​തി​യോ​ളം പി​ന്നി​ടു​ന്പോ​ൾ വ​ർ​ക്കു​ക​ളൊ​ന്നും ന​ട​ക്കാ​ത്ത സാ​ഹ​ച​ര്യ​ത്തി​ൽ ഒ​ന്ന​ര​വ​ർ​ഷം​കൊ​ണ്ട് പ​ദ്ധ​തി പൂ​ർ​ത്തീ​ക​ര​ണം ഉ​ണ്ടാ​കി​ല്ലെ​ന്ന് ഉ​റ​പ്പാ​ണ്.

കാ​ലാ​വ​ധി നീ​ട്ടി​ക്കൊ​ടു​ത്ത് പ്ര​വൃ​ത്തി ഇ​ഴ​യു​ന്പോ​ഴേ​യ്ക്കും മ​റ്റൊ​രു പ​ദ്ധ​തി​ക​ളു​മാ​യി കോ​ടി​ക​ൾ അ​നു​വ​ദി​ക്കും.ഇ​ത്ത​ര​ത്തി​ൽ കോ​ടി​ക​ളു​ടെ പ​ദ്ധ​തി​യും അ​തി​ന്‍റെ നി​ർ​മാ​ണോ​ദ്ഘാ​ട​ന​വു​മ​ല്ലാ​തെ മ​റ്റൊ​ന്നും ക​ഴി​ഞ്ഞ പ​തി​റ്റാ​ണ്ടു​കാ​ല​മാ​യി മം​ഗ​ലം​ഡാ​മി​ൽ ന​ട​ക്കു​ന്നി​ല്ലെ​ന്നാ​ണ് ആ​ക്ഷേ​പം.