കാക്കിയിട്ട മാമ്പഴക്കള്ളൻ പോലീസുകാരൻ; വ​ഴി​യ​രി​കി​ലെ പ​ഴ​ക്ക​ട​യി​ൽ നി​ന്നും മോ​ഷ്ടി​ച്ച​ത് പത്ത് കി​ലോ മാ​മ്പ​ഴം; കാഞ്ഞിരപ്പള്ളിയിലെ ഈ പോലീസുകാരൻ പണ്ടേ പ്രശ്നക്കാരൻ…

കോ​ട്ട​യം: കാ​ഞ്ഞി​ര​പ്പ​ള്ളി​യി​ലെ പ​ഴ​ക്ക​ട​യി​ല്‍ നി​ന്നും മാ​മ്പ​ഴം മോ​ഷ്ടി​ച്ച് പോ​ലീ​സു​കാ​ര​ന്‍. വ​ഴി​യ​രി​കി​ല്‍ വ​ച്ച് വി​ല്‍​ക്കു​ന്ന പ​ഴ​ക്ക​ട​യി​ല്‍ നി​ന്നു​മാ​ണ് മാ​മ്പ​ഴം മോ​ഷ​ണം പോ​യ​ത്.

തു​ട​ര്‍​ന്ന് സി​സി​ടി​വി ദൃ​ശ്യ​ങ്ങ​ള്‍ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മോ​ഷ്ടാ​വ് പോ​ലീ​സാ​ണെ​ന്ന് വ്യ​ക്ത​മാ​യ​ത്.

ഇ​ടു​ക്കി ജി​ല്ലാ പോ​ലീ​സ് ആ​സ്ഥാ​ന​ത്തെ സി​വി​ല്‍ പോ​ലീ​സ് ഓ​ഫീ​സ​റാ​യ പി.​വി.​ഷി​ഹാ​ബാ​ണ് മാ​മ്പ​ഴം മോ​ഷ്ടി​ച്ച​ത്. ഞാ​യ​റാ​ഴ്ച പു​ല​ര്‍​ച്ചെ​യാ​ണ് സം​ഭ​വം.

ഡ്യൂ​ട്ടി ക​ഴി​ഞ്ഞ് മ​ട​ങ്ങു​ന്ന​തി​നി​ട​യി​ലാ​ണ് ഷി​ഹാ​ബ് മാ​മ്പ​ഴം മോ​ഷ്ടി​ക്കു​ന്ന​ത്. ചു​റ്റും ആ​രു​മി​ല്ലെ​ന്ന് ഉ​റ​പ്പു​വ​രു​ത്തി​യ ശേ​ഷം കി​ലോ​യ്ക്ക് അ​റു​ന്നൂ​റ് രൂ​പ വി​ല വ​രു​ന്ന മാ​മ്പ​ഴം പ​ത്ത് കി​ലോ​യോ​ളം എ​ടു​ത്തു.

വ​ഴി​യ​രി​കി​ല്‍ ആ​ളി​ല്ലെ​ന്നു ഉ​റ​പ്പു​വ​രു​ത്തി​യെ​ങ്കി​ലും ക​ട​യി​ലെ സി​സി​ടി​വി ക്യാ​മ​റ ഇ​ദ്ദേ​ഹം ക​ണ്ടി​ല്ല.കോ​ട്ട​യം മെ​ഡി​ക്ക​ൽ കോ​ളേ​ജി​ലെ ഡ്യൂ​ട്ടി ക​ഴി​ഞ്ഞ് മുണ്ടക്കയത്തെ വീട്ടിലേക്ക് മ​ട​ങ്ങു​ന്പോ​ഴാ​യി​രു​ന്നു മോ​ഷ​ണം.

പോ​ലീ​സ് യൂ​ണി​ഫോ​മി​ല്‍ ത​ന്നെ​യാ​ണ് മോ​ഷ​ണം ന​ട​ത്തി​യ​ത്. ക്രിമിനൽ പശ്ചാത്തലമുള്ള  പോലീസുകാരനെതിരേ സ്ത്രീപീഡനക്കേസും സ്ത്രീകളെ അപമാനിച്ചതിനും കേസ് ഉണ്ട്.  ക​ട​യു​ട​മ നി​സാ​റി​ന്‍റെ പ​രാ​തി​യി​ൽ കാ​ഞ്ഞി​ര​പ്പ​ള്ളി പോ​ലീ​സ് ഷി​ഹാ​ബി​നെ​തി​രെ കേ​സെ​ടു​ത്തി​ട്ടു​ണ്ട്.