മാ​ണി​ക്യ​മം​ഗ​ല​ത്ത് ത​ണ്ണീ​ർ​ത്ത​ട നി​യ​മം ലം​ഘി​ച്ച്  കെട്ടിടം പ​ണി​യാ​ൻ നീ​ക്കം; പഞ്ചായത്തിന്‍റെ നിർമാണ പ്രവർത്തനങ്ങൾ‌ തടഞ്ഞ് നാട്ടുകാർ

കാ​ല​ടി: കാ​ല​ടി പ​ഞ്ചാ​യ​ത്തി​ലെ മാ​ണി​ക്യ​മം​ഗ​ല​ത്ത് ചി​റ​യോ​ട് ചേ​ർ​ന്ന് ത​ണ്ണീ​ർ​ത്ത​ട നി​യ​മം ലം​ഘി​ച്ച് കെ​ട്ടി​ടം പ​ണി​യാ​ൻ നീ​ക്കം. പ​ഞ്ചാ​യ​ത്ത് വ​ക ആ​യു​ർ​വേ​ദ ഡി​സ്പെ​ൻ​സ​റി നി​ർ​മി​ക്കാ​നാ​യി ഇ​വി​ടെ ത​റ​ക്ക​ല്ലി​ട​ൽ വ​രെ ന​ട​ത്തി​യ​പ്പോ​ഴാ​ണ് പ്ര​ദേ​ശ​വാ​സി​ക​ൾ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ത​ട​ഞ്ഞ​ത്.

ഒ​രു പ്ര​ദേ​ശ​ത്തെ ത​ന്നെ ഏ​റ്റ​വും വ​ലി​യ കു​ടി​വെ​ള്ള സ്രോ​ത​സാ​ണ് ഏ​ഴേ​ക്ക​റോ​ളം വി​സ്തീ​ർ​ണ​ത്തി​ൽ കി​ട​ക്കു​ന്ന മാ​ണി​ക്യ​മം​ഗ​ലം ചി​റ. ര​ണ്ട് വ​ർ​ഷ​മാ​യി ഈ ​ചി​റ​യി​ൽ കാ​ർ​ണി​വെ​ല്ലും സം​ഘ​ടി​പ്പി​ച്ചി​രു​ന്നു. ഈ ​ചി​റ​യി​ൽ ഒ​രു ഭാ​ഗ​ത്ത് അ​ന​ധി​കൃ​ത​മാ​യി മ​ണ്ണി​ട്ടാ​ണ് ഇ​പ്പോ​ൾ ഡി​സ്പെ​ൻ​സ​റി​ക്ക് കെ​ട്ടി​ടം പ​ണി​യു​ന്ന​തി​നാ​യി സ​ഥ​ലം ക​ണ്ടെ​ത്തി​യി​ട്ടു​ള്ള​ത്.

പ​ഞ്ചാ​യ​ത്തി​ൽ ത​ന്നെ റോ​ഡി​നോ​ട് ചേ​ർ​ന്ന് സൗ​ക​ര്യ​പ്ര​ദ​മാ​യ നി​ര​വ​ധി സ്ഥ​ല​ങ്ങ​ൾ ഉ​ള്ള​പ്പോ​ഴാ​ണ് ചി​റ​യോ​ട് ചേ​ർ​ന്ന് മ​ണ്ണി​ട്ട് നി​ക​ത്തി നി​ർ​മാ​ണം ആ​രം​ഭി​ച്ച​തെ​ന്നും ത​ണ്ണീ​ർ​ത്ത​ട സം​ര​ക്ഷ​ണ നി​യ​മ​ത്തി​ന്‍റെ പ​ര​സ്യ​മാ​യ ലം​ഘ​ന​മാ​ണ് ന​ട​ക്കു​ന്ന​തെ​ന്നും നാ​ട്ടു​കാ​ർ ആ​രോ​പി​ക്കു​ന്നു. നാ​ഷ​ണ​ൽ ആ​യു​ഷ് മി​ഷ​ൻ അ​നു​വ​ദി​ച്ചി​ട്ടു​ള്ള ആ​ദ്യ ഗ​ഡു​വാ​യ 20 ല​ക്ഷം രൂ​പ​യു​ടെ നി​ർ​മാ​ണ പ്ര​വൃ​ത്തി​യാ​ണ് ആ​രം​ഭി​ച്ച​ത്.

ഈ ​കെ​ട്ടി​ടം നി​ർ​മി​ക്കു​ന്ന​തോ​ടെ ചി​റ​യു​ടെ ഉ​ൾ​ഭാ​ഗ​ത്തു​ള്ള ചെ​റു​കി​ട ജ​ല​സേ​ച​ന പ​ദ്ധ​തി​യു​ടെ പ​ന്പ്ഹൗ​സി​ലേ​ക്കു​ള്ള റോ​ഡ് അ​ട​ഞ്ഞു​പോ​കും. വ​ർ​ഷ​ങ്ങ​ൾ​ക്ക് മു​ൻ​പ് തു​റ വി​ക​സ​ന പ​ദ്ധ​തി ന​ട​പ്പാ​ക്കി​യ​പ്പോ​ൾ ചി​റ​ക്കു ചു​റ്റും ക​രി​ങ്ക​ല്ല് കൊ​ണ്ട് സം​ര​ക്ഷ​ണ ഭി​ത്തി​യും കെ​ട്ടി​യി​രു​ന്നു. നി​ർ​മാ​ണം പ്ര​ദേ​ശ​വാ​സി​ക​ൾ ത​ട​ഞ്ഞ​തോ​ടെ ഇ​തു​മാ​യി ബ​ന്ധ​പ്പെ​ട്ട് ച​ർ​ച്ച ന​ട​ത്താ​ൻ കാ​ല​ടി പ​ഞ്ചാ​യ​ത്തി​ൽ പ്ര​ത്യേ​ക യോ​ഗ​വും വി​ളി​ച്ചി​ട്ടു​ണ്ട്.