ഇംഫാൽ: മണിപ്പുരിൽ പോലീസ് ഉദ്യോഗസ്ഥനെ വെടിവച്ചു കൊലപ്പെടുത്തിയ കേസിൽ ഒരാൾ അറസ്റ്റിൽ. ഫിലിപ്സ് ഖോംഗ്സായി എന്നയാളെ ഇന്ത്യ-മ്യാൻമർ അതിർത്തി പട്ടണത്തിൽനിന്ന് തിങ്കളാഴ്ച വൈകുന്നേരത്തോടെയാണ് അറസ്റ്റ് ചെയ്തത്.
മോറെയിലെ ഒരു പുതിയ ഹെലിപാഡിന്‍റെ ജോലിക്കു മേൽനോട്ടം വഹിക്കുന്നതിനിടെയാണ് പോലീസുദ്യോഗസ്ഥനായ ചിംഗ്തം ആനന്ദ് വെടിയേറ്റു മരിച്ചത്. 2023 ഒക്‌ടോബർ 31നായിരുന്നു സംഭവം. അതേദിവസം മണിപ്പുരിലെത്തിയ സൈനികരെ ആക്രമിച്ചതിനു കെ മൗൽസാംഗ് ഗ്രാമത്തിലെ തലവനും മേറ്റ് ട്രൈബ് യൂണിയൻ ഫിനാൻസ് സെക്രട്ടറിയുമായ ഹേംഖോലാലും അറസ്റ്റിലായി.
