ഇംഫാല്‍: മണിപ്പുരില്‍ വീണ്ടും വന്‍ സംഘര്‍ഷം. ചുരാചന്ദ്പുര്‍ അതിര്‍ത്തിയിലുണ്ടായ വെടിവയ്പില്‍ നാല് പേര്‍ കൊല്ലപ്പെട്ടു.
സംഘര്‍ഷത്തില്‍ നിരവധിപ്പേര്‍ക്ക് പരിക്കേറ്റെന്നാണു വിവരം. കുക്കി ഗ്രാമങ്ങള്‍ക്ക് കാവല്‍ നില്‍ക്കുന്ന വോളന്‍റിയര്‍മാരും മേയ്തി തീവ്രസംഘടനായ ആരംബായ് തെന്‍ഗോലും തമ്മിലാണ് വെടിവയ്പ്പുണ്ടായത്.
വനത്തിനുള്ളില്‍വച്ചാണ് ഏറ്റുമുട്ടലുണ്ടായത്. വനത്തിനുള്ളില്‍ വിറക് ശേഖരിക്കാന്‍ പോയ നാല് മേയ്തി വിഭാഗക്കാരെ നേരത്തേ കാണാതായിരുന്നു. ഇവരാണ് കൊല്ലപ്പെട്ടതെന്നു സ്ഥിരീകരിക്കാത്ത റിപ്പോര്‍ട്ടുകളുണ്ട്.
