മോഹൻലാൽ ഒടിയനായി 18 കിലോ കുറച്ചെത്തിയത് സോഷ്യൽ മീഡിയ വൻ ആഘോഷമായാണ് കൊണ്ടാടിയത്. ചിത്രത്തെ കുറിച്ച് പുറത്തിറങ്ങുന്ന ഓരോ വാർത്തകളും പ്രേക്ഷകരിൽ വാനോളം പ്രതീക്ഷയാണ് ഉയർത്തുന്നത്. ഒടിയനിൽ നായികയായി എത്തുന്ന മഞ്ജു വാര്യരും പ്രേക്ഷകരെ ഞെട്ടിക്കുമെന്നാണ് ചിത്രം സംവിധാനം ചെയ്യുന്ന പി.എ.ശ്രീകുമാർ മേനോൻ പറയുന്നത്.
മോഹൻലാൽ ചിത്രത്തിൽ മൂന്നു ഗെറ്റപ്പുകളിലായാണ് എത്തുന്നത്. അതുപോലെ തന്നെ മഞ്ജുവാര്യരും മൂന്നു ഗെറ്റപ്പിലായിരിക്കും ചിത്രത്തിലെത്തുകയെന്നാണ് സംവിധായകൻ പറയുന്നത്. മഞ്ജുവിന്‍റെ ഇരുപതുകളിൽ നിന്നു മുപ്പതിലേക്കും അന്പതിലേക്കുമുള്ള മേക്കോവർ കാണാനുള്ള കാത്തിരിപ്പിലാണ് ഇപ്പോൾ ആരാധകർ.
ബിഗ്ബജറ്റ് ചിത്രമായ ഒടിയനിൽ പ്രകാശ് രാജ്, നരേൻ, സിദ്ദിഖ്, ഇന്നസെന്‍റ് എന്നിവരും അഭിനയിക്കുന്നുണ്ട്.
