എനിക്കറിയില്ല എങ്ങോട്ടാണ് യാത്രയെന്ന്… പക്ഷേ ഞാൻ എന്‍റെ വഴിയിലാണ്. നടി മഞ്ജു വാര്യർ സമൂഹമാധ്യമങ്ങളിൽ പങ്കുവച്ച വാക്കുകളാണ് ആരാധകർ ഏറ്റെ‌ടുത്തിരിക്കുന്നത്.
ബാഗും പാക്ക് ചെയ്ത് വലിയൊരു യാത്രയ്ക്കാ‌യി പുറപ്പെടുന്ന ചിത്രമാണ് താരം പങ്കുവച്ചിരിക്കുന്നത്. സമ്മർ ഇൻ ബത്‌ലഹേമിലെ ആമിയുടെ ലുക്കാണ് താരത്തിനെന്നാണ് പലരും കമന്‍റിടുന്നത്.
എച്ച്. വിനോദ് സംവിധാനം ചെയ്യുന്ന തമിഴ് ചിത്രം തുനിവാണ് താരത്തിന്‍റെ പുറത്തിറങ്ങാനുള്ള പുതിയ ചിത്രം.
അജിത് കുമാറിന്‍റെ നായികയായിട്ടാണ് മഞ്ജു തുനിവിൽ എത്തുന്നത്. അസുരന് ശേഷം താരം അഭിനയിക്കുന്ന രണ്ടാമത്തെ തമിഴ് ചിത്രമാണ് തുനിവ്.
