ഭി​ക്ഷാ​ട​ന മാ​ഫി​യ​യി​ൽ​ നി​ന്ന്  ജ​ന​സേ​വ ര​ക്ഷ​പെ​ടു​ത്തി​യ മ​ഞ്ജു​മാ​ത സു​മം​ഗ​ലി​യാ​യി; അനുഗ്രഹിച്ച് ജോ​സ് മാ​വേ​ലി

ആ​ലു​വ: ഭി​ക്ഷാ​ട​ന മാ​ഫി​യ​യി​ൽ​നി​ന്ന് ജ​ന​സേ​വ ശി​ശു​ഭ​വ​ൻ ര​ക്ഷ​പെ​ടു​ത്തി​യ മ​ഞ്ജു​മാ​ത​യ്ക്ക് മാം​ഗ​ല്യം. പാ​ല​ക്കാ​ട് പെ​രു​ങ്ങോ​ട്ടു​കു​റി​ശി പ​റ​യ​ൻ​കോ​ട് കു​ന്ന​ത്ത് ഗോ​പാ​ല​കൃ​ഷ്ണ​ന്‍റെ​യും സ​ത്യ​ഭാ​മ​യു​ടെ​യും മ​ക​നാ​യ ഗോ​പീ​കൃ​ഷ്ണ​നാ​ണ് വ​ര​ൻ.

മ​ണ്ണൂ​ർ കെ​ആ​ർ​പി ഓ​ഡി​റ്റോ​റി​യ​ത്തി​ൽ ഇ​ന്ന​ലെ രാ​വി​ലെ 11 ന് ​ന​ട​ന്ന വി​വാ​ഹ ച​ട​ങ്ങി​ൽ ജ​ന​സേ​വ സ്ഥാ​പ​ക​ൻ ജോ​സ് മാ​വേ​ലി​യ​ട​ക്കം നി​ര​വ​ധി​പേ​ർ ആ​ശം​സ​ക​ൾ അ​ർ​പ്പി​ക്കാ​നെ​ത്തി.

മ​ഞ്ജു​മാ​ത ഐ​ടി​ഐ ഇ​ല​ക്ട്രീ​ഷ്യ​ൻ കോ​ഴ്സ് പാ​സാ​യി പാ​ല​ക്കാ​ട് ഒ​രു സ്വ​കാ​ര്യ സ്ഥാ​പ​ന​ത്തി​ൽ താ​ത്കാ​ലി​ക​മാ​യി ജോ​ലി നോ​ക്കു​ക​യാ​ണ്. ഗോ​പീ​കൃ​ഷ്ണ​ൻ കു​വൈ​റ്റി​ൽ കാ​ർ മെ​ക്കാ​നി​ക്കാ​ണ്.

2002ൽ ​മൂ​ന്നു​വ​യ​സു​ള്ള​പ്പോ​ഴാ​ണ് മ​ഞ്ജു​മാ​ത ജ​ന​സേ​വ​യി​ലെ​ത്തി​യ​ത്. അ​ച്ഛ​ൻ ശ​രീ​രം ത​ള​ർ​ന്ന് രോ​ഗാ​വ​സ്ഥ​യി​ലാ​യ​തോ​ടെ അ​മ്മ ഉ​പേ​ക്ഷി​ച്ചു​പോ​യി. മ​ഞ്‌​ജു ഭി​ക്ഷാ​ട​ന മാ​ഫി​യ​യു​ടെ കൈ​യി​ൽ അ​ക​പ്പെ​ടു​ക​യും ചെ​യ്തു.

ആ​സി​ഡ് ഒ​ഴി​ച്ച് പൊ​ള്ളി​ച്ച വ്ര​ണ​ങ്ങ​ങ്ങ​ളോ​ടെ അ​ങ്ക​മാ​ലി​യി​ൽ ഭി​ക്ഷാ​ട​ന​ത്തി​ന് ഒ​രു പെ​ൺ​കു​ട്ടി​യെ ഉ​പ​യോ​ഗി​ക്കു​ന്ന​താ​യി ചു​മ​ട്ടു​തൊ​ഴി​ലാ​ളി​ക​ളാ​ണ് ജ​ന​സേ​വ​യെ അ​റി​യി​ച്ച​ത്.

മ​ഞ്ജു​വി​നെ ര​ക്ഷ​പെ​ടു​ത്തി ദീ​ർ​ഘ​നാ​ള​ത്തെ ചി​കി​ത്സ​യ്ക്കു ശേ​ഷ​മാ​ണ് ആ​രോ​ഗ്യ​വ​തി​യാ​യ​ത്. ജ​ന​സേ​വ​യി​ൽ ആ​റാം ക്ലാ​സി​ൽ പ​ഠി​ക്കു​മ്പോ​ഴാ​ണ് മ​ണ്ണൂ​ർ കാ​ർ​ത്തി​ക​വീ​ട്ടി​ൽ ശി​വ​ശ​ങ്ക​ര​ൻ – ലീ​ല ദ​മ്പ​തി​ക​ൾ മ​ഞ്ജു​മാ​ത​യെ ചൈ​ൽ​ഡ്‌ വെ​ൽ​ഫ​യ​ർ ക​മ്മി​റ്റി​യു​ടെ അ​നു​മ​തി​യോ​ടെ ദ​ത്തെ​ടു​ത്ത​ത്. റി​ട്ട. സി​ഐ​ഡി ഉ​ദ്യോ​ഗ​സ്ഥ​നാ​യ ശി​വ​ശ​ങ്ക​ര​ന്‍റെ മ​ര​ണ​ത്തെ​ത്തു​ട​ർ​ന്ന് വ​ള​ർ​ത്ത​മ്മ ലീ​ല യോ​ടൊ​പ്പ​മാ​ണ് മ​ഞ്ജു ഇ​പ്പോ​ൾ താ​മ​സി​ക്കു​ന്ന​ത്.