ലണ്ടൻ: ഇംഗ്ലീഷ് പ്രിമിയർ ലീഗിൽ ചെൽസിയെ നാണംകെടുത്തി മാഞ്ചസ്റ്റർ സിറ്റി. ഹോം ഗ്രൗണ്ടിൽ നടന്ന പോരാട്ടത്തിൽ മറുപടിയില്ലാത്ത ആറു ഗോളുകൾക്ക് സിറ്റി ചെൽസിയെ വീഴ്ത്തി. 28 വർഷത്തിനിടയിലെ ചെൽസിയുടെ ഏറ്റവും വലിയ പരാജയമാണിത്.
സെർജിയോ അഗ്യൂറോയുടെ ഹാട്രിക് മികവിലാണ് ഇത്തിഹാദ് സ്റ്റേഡിയത്തിൽ സിറ്റി ഗോളടിച്ചുകൂട്ടിയത്. റഹിം സ്റ്റെർലിംഗ് രണ്ടു ഗോൾ നേടി. ഗുണ്ടോഗനാണ് ശേഷിച്ച ഒരു ഗോൾ നേടിയത്. ആദ്യ പകുതിയിൽ സിറ്റി എതിരില്ലാത്ത നാലു ഗോളിന് മുന്നിട്ടുനിന്നു.
1991-ൽ നോട്ടിംഗ്ഹാം ഫോറസ്റ്റിനോട് എതിരില്ലാത്ത ഏഴു ഗോളിനു പരാജയപ്പെട്ടതായിരുന്നു ചെൽസിയുടെ ഇതിനു മുന്പുള്ള വൻ പരാജയം. ജയത്തോടെ ലിവർപൂളിനെ മറികടന്ന് മാഞ്ചസ്റ്റർസിറ്റി ഒന്നാം സ്ഥാനത്തെത്തി. ചെൽസി ആറാം സ്ഥാനത്താണ്.
