വാ​ഹ​ന​ങ്ങ​ളു​ടെ വ​ര​വും പോ​ക്കും തോ​ന്നി​യതു പോ​ലെ: മാ​ന്നാ​റി​ലെ സി​ഗ്‌നൽ ലൈ​റ്റു​ക​ൾ പ​ര​സ്യം വ​യ്ക്കാ​നോ?

മാന്നാ​ർ: ഗ​താ​ഗ​ത നി​യ​ന്ത്ര​ണ​ത്തി​നാ​യി മാ​ന്നാ​റി​ൽ സി​ഗ്‌നൽ ലൈ​റ്റു​ക​ൾ സ്ഥാ​പി​ക്ക​ണ​മെ​ന്ന ഏ​റെ നാ​ള​ത്തെ ആ​വ​ശ്യം സാ​ക്ഷാ​ത്ക​രി​ച്ച​ത് നാ​ല് വ​ർ​ഷം മു​ൻ​പാ​ണ്. ഒ​രു കി​ലോ മീ​റ്റ​റി​നു​ള്ളി​ൽ മൂ​ന്ന് ട്രാ​ഫി​ക് സി​ഗ്‌നൽ ലൈ​റ്റ് സ്ഥാ​പി​ച്ചാ​ണ് ആ​വ​ശ്യം നി​റ​വേ​റ്റി​യ​ത്.​ മാ​ന്നാ​ർ ടൗ​ൺ, തൃ​ക്കു​ര​ട്ടി ജം​ഗ്ഷ​ൻ, സ്റ്റോ​ർ ജം​ഗ്ഷ​ൻ എ​ന്നി​വി​ട​ങ്ങ​ളി​ലാ​ണ് ലൈ​റ്റു​ക​ൾ സ്ഥാ​പി​ച്ച​ത്. വ​ലി​യ ആ​ഘോ​ഷ​ങ്ങ​ളോ​ടെ ഉ​ദ്ഘാ​ട​ന​ങ്ങ​ൾ ന​ട​ത്തി​യ​ത്.

എ​ന്നാ​ൽ ഈ ​ആ​ഹ്ലാ​ദ​ങ്ങ​ൾ അ​ധി​ക​നാ​ൾ നീ​ണ്ട് നി​ന്നി​ല്ല. ലൈ​റ്റു​ക​ൾ പ​ല​പ്പോ​ഴും പ്ര​വ​ർ​ത്ത​ന​ര​ഹി​ത​മാ​യി​രു​ന്നു.​ എ​റെ തി​ര​ക്കു​ള്ള മാ​ന്നാ​ർ ടൗ​ണി​ലെ ​സി​ഗ്ന​ൽ ലൈ​റ്റാ​ണ് പ​ല​പ്പോ​ഴും പ്ര​വ​ർ​ത്തി​ക്കാ​ത്ത​ത്. ഇ​ത് ഗ​താ​ഗ​ത തി​ര​ക്ക് വ​ർ​ധി​ക്കാനും ഗ​താ​ഗ​ത​ക്കുരു​ക്ക് രൂ​ക്ഷ​മാ​കു​വാ​നും കാ​ര​ണ​മാ​യി. സി​ഗ്ന​ൽ ലൈ​റ്റ് ഇ​ല്ലാ​തി​രു​ന്ന കാ​ല​ത്ത് ഗ​താ​ഗ​തം നി​യ​ന്ത്രി​ക്കാ​ൻ ടൗ​ണി​ൽ സ്ഥി​ര​മാ​യി ഒ​രു പോ​ലീ​സ് ഉ​ദ്യോ​ഗ​സ്ഥ​നും ഹോം ​ഗാ​ർ​ഡും ഉ​ണ്ടാ​യി​രു​ന്നു.

സി​ഗ്ന​ൽ വ​ന്ന​തോ​ടെ ഇ​വ​രു​ടെ സേ​വ​നം ഇ​ല്ലാ​താ​യി. ഇതോ​ടൊ​പ്പം ലൈ​റ്റ് കൂ​ടി ഇ​ല്ലാ​താ​യ​തോ​ടെ വാ​ഹ​ന​ങ്ങ​ളു​ടെ വ​ര​വും പോ​ക്കും തോ​ന്നി​യതു പോ​ലെ​യാ​യി. അ​പ​ക​ട​ങ്ങ​ളും ഇ​വി​ടെ പ​തി​വാ​യി. ക​ഴി​ഞ്ഞ ആ​റ് മാ​സ​ങ്ങ​ളാ​യി മൂ​ന്നി​ട​ങ്ങ​ളി​ലെ​യും സി​ഗ്ന​ൽ ലൈ​റ്റു​ക​ൾ പ്ര​വ​ർ​ത്തി​ക്കു​ന്നി​ല്ല.

സ​ജി ചെ​റി​യാ​ൻ എംഎ​ൽഎ ​യു​ടെ ആ​സ്തി വി​ക​സ​ന ഫ​ണ്ടി​ൽ നി​ന്ന് അ​ര​ക്കോ​ടി​യോ​ളം മു​ട​ക്കി​യാ​ണ് മൂ​ന്നി​ട​ങ്ങ​ളി​ലാ​യി ഇ​വ സ്ഥാ​പി​ച്ച​ത്. ലൈ​റ്റു​ക​ൾ സ്ഥാ​പി​ച്ച​ത​ല്ലാ​തെ മ​റ്റ് സം​വി​ധാ​ന​ങ്ങ​ൾ ഒ​ന്നും ത​ന്നെ ഒ​രു​ക്കി​യി​രു​ന്നി​ല്ല. വീ​തി കു​റ​ഞ്ഞ റോ​ഡി​ൽ സി​ഗ്‌ന​ൽ ലൈ​റ്റി​ന് സ​മീ​പ​ത്താ​യി​ട്ടാ​ണ് ബ​സ് സ്റ്റോ​പ്പ്.

ഈ ​സ്റ്റോ​പ്പു​ക​ൾ ശാ​സ്ത്രീ​യ​മാ​യി പു​നഃ​ക്ര​മീ​ക​രി​ക്കാ​ൻ ക​ഴി​യാ​ഞ്ഞ​ത് ടൗ​ണി​ലെ കു​രു​ക്ക് മു​റു​കാ​​ൻ കാ​ര​ണ​മാ​യി.​ പൊതുമരാമത്ത് അ​ധി​കൃ​ത​ർ​പ​റ​യു​ന്ന​ത് ട്രാ​ഫി​ക് സി​ഗ്ന​ൽ മാ​ന്നാ​ർ ഗ്രാ​മ​പ​ഞ്ചാ​യ​ത്തി​ന്‍റെ നി​യ​ന്ത്ര​ണ​ത്തി​ലു​ള്ള​തി​നാ​ൽ അ​വ​ർ​ക്ക് ഒ​ന്നും ചെ​യ്യാ​ൻ സാ​ധി​ക്കി​ല്ല എ​ന്നാ​ണ്.

സി​ഗ്ന​ൽ പ്ര​വ​ർ​ത്തി​പ്പി​ക്കാ​ന​ല്ലെ​ങ്കി​ൽ സ​ർ​ക്കാ​ർ ഫ​ണ്ടി​ൽ നി​ന്ന് ല​ക്ഷ​ങ്ങ​ൾ മു​ട​ക്കി സ്ഥാ​പി​ച്ച​ത് എ​ന്തി​നാ​ണ​ന്നാ​ണ് നാ​ട്ടു​കാ​രു​ടെ ചോ​ദ്യം. ട്രാ​ഫി​ക് സി​ഗ്‌നൽ ലൈ​റ്റു​ക​ൾ പ്ര​വ​ർ​ത്തി​പ്പി​ക്കാൻ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നൊ​പ്പം സി​ഗ്ന​ൽ ഭാ​ഗ​ത്ത്‌ അ​ധി​കൃ​ത പാ​ർ​ക്കിം​ഗും ബ​സു​ക​ൾ നി​ർ​ത്തു​ന്ന​തും ഒ​ഴി​വാ​ക്കി മാ​ന്നാ​റി​ലെ ഗ​താ​ഗ​തം സു​ഗ​മ​മാ​ക്കു​വാ​ൻ അ​ധി​കൃ​ത​ർ ശ്ര​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.