ഡോ​ക്ട​ർ​മാ​ർ ദൈ​വ​ങ്ങ​ള​ല്ല, ചെ​കു​ത്താ​ന്മാ​രു​മ​ല്ല..! ക​ഥാ​കൃ​ത്തും ഡോ​ക്ട​റു​മാ​യ മ​നോ​ജ് വെ​ള്ള​നാ​ടിന്റെ ഫേസ്ബുക്ക് കുറിപ്പ് വൈറല്‍

ബ്രെ​യി​ൻ ട്യൂ​മ​ർ ബാ​ധി​ച്ച, നേ​ര​ത്തേ​ത​ന്നെ ഹൃ​ദ്രോ​ഗി​യാ​യ ഒ​രു രോ​ഗി​യെ ര​ണ്ടാ​ഴ്ച​യോ​ളം വാ​ർ​ഡി​ൽ കി​ട​ത്തി സ​ർ​ജ​റി​ക്ക് വേ​ണ്ടി റെ​ഡി​യാ​ക്കു​ന്നു.

ഓ​പ്പ​റേ​ഷ​ൻ സ​മ​യ​ത്തും ശേ​ഷ​വും സം​ഭ​വി​ക്കാ​വു​ന്ന ഓ​രോ കാ​ര്യ​വും പ​റ​ഞ്ഞു മ​ന​സി​ലാ​ക്കി സ​മ്മ​ത​പ​ത്രം വാ​ങ്ങി​യ​ശേ​ഷം, 8-10 മ​ണി​ക്കൂ​ർ വ​രെ നീ​ണ്ട ഓ​പ്പ​റേ​ഷ​ൻ ചെ​യ്യു​ന്നു.

ഓ​പ്പ​റേ​ഷ​നു​ശേ​ഷം ഐ​സി​യു​വി​ൽ രോ​ഗി​യി​ലെ മാ​റ്റ​ങ്ങ​ളും ജീ​വ​സ്പ​ന്ദ​ങ്ങ​ളും നി​രീ​ക്ഷി​ച്ചു​കൊ​ണ്ടി​രി​ക്കു​ന്നു.

അ​തി​നി​ട​യി​ൽ നി​ർ​ഭാ​ഗ്യ​വ​ശാ​ൽ രോ​ഗി​യു​ടെ നി​ല വ​ഷ​ളാ​വു​ന്നു. വേ​ണ്ട ചി​കി​ത്സ​ക​ൾ ന​ൽ​കി​യ​ശേ​ഷം ഇ​ക്കാ​ര്യ​ങ്ങ​ളെ​ല്ലാം രോ​ഗി​യു​ടെ ബ​ന്ധു​ക്ക​ളെ സ​മ​യാ​സ​മ​യ​ങ്ങ​ളി​ൽ അ​റി​യി​ക്കു​ന്നു. ‌

പി​ന്നെ​യും രോ​ഗി​യെ ര​ക്ഷി​ക്കാ​ൻ മ​നു​ഷ്യ​സ​ഹ​ജ​മാ​യ കാ​ര്യ​ങ്ങ​ളെ​ല്ലാം​ത​ന്നെ ചെ​യ്യു​ന്നു. പ​ക്ഷെ രാ​ത്രി ഒ​രു​മ​ണി​യോ​ടെ രോ​ഗി മ​രി​ക്കു​ന്നു.

ഇ​ക്കാ​ര്യം പ​റ​യാ​ൻ വീ​ണ്ടും ചെ​ല്ലു​മ്പോ​ൾ, രോ​ഗി​യു​ടെ ബ​ന്ധു ആ ​ഡോ​ക്ട​റു​ടെ വ​യ​റ്റി​ൽ ച​വി​ട്ടി​ത്തെ​റി​പ്പി​ക്കു​ന്നു.

രാ​ത്രി ഒ​ന്ന​ര മ​ണി​ക്ക്, ഐ​സി​യു​വി​ൽ ഡ്യൂ​ട്ടി ചെ​യ്യേ​ണ്ട, വേ​റെ​യും രോ​ഗി​ക​ൾ​ക്ക് ചി​കി​ത്സ കൊ​ടു​ക്കേ​ണ്ട ആ ​ഡോ​ക്ട​ർ ച​വി​ട്ടു​കൊ​ണ്ട് രോ​ഗി​യാ​യി കാ​ഷ്വാ​ലി​റ്റി​യി​ൽ ചി​കി​ത്സ​യി​ൽ.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ ന്യൂ​റോ​സ​ർ​ജ​റി വി​ഭാ​ഗ​ത്തി​ൽ ഒ​രു വ​നി​താ ഡോ​ക്ട​ർ​ക്ക് ക​ഴി​ഞ്ഞ ദി​വ​സം സം​ഭ​വി​ച്ച അ​ത്യാ​ഹി​ത​മാ​ണി​ത്.

പ്രി​യ​പ്പെ​ട്ട ഒ​രു സ​ഹ​പ്ര​വ​ർ​ത്ത​ക​യ്ക്ക് സം​ഭ​വി​ച്ച ദു​ര​വ​സ്ഥ​യി​ൽ ദുഃ​ഖ​വും ദേ​ഷ്യ​വും ഉ​ള്ള​പ്പോ​ഴും അ​തി​നെ​പ്പ​റ്റി ഒ​ന്നും എ​ഴു​ത​ണ്ടാ​ന്നു​ത​ന്നെ ക​രു​തി​യ​താ​ണ്.

കാ​ര​ണം, അ​ടി കി​ട്ടു​ന്ന​ത് ഏ​തെ​ങ്കി​ലും ഡോ​ക്ട​ർ​ക്കാ​ണെ​ങ്കി​ൽ അ​ത് കി​ട്ടേ​ണ്ട​തു​ത​ന്നെ​യാ​ണെ​ന്ന് ക​രു​തു​ന്ന, ഈ ​വ​ക ആ​ക്ര​മ​ണ​ങ്ങ​ളി​ൽ ആ​ത്മാ​ർ​ത്ഥ​മാ​യി ഒ​ന്ന് സ​ഹ​ത​പി​ക്കാ​ൻ​പോ​ലും തോ​ന്നാ​ത്ത ഒ​രു സ​മൂ​ഹ​ത്തി​ലേ​ക്ക് എ​ന്തി​നാ​ണ് ഒ​രാ​ളെ ഓ​ഡി​റ്റിം​ഗി​ന് വി​ട്ടു​കൊ​ടു​ക്ക​ണം എ​ന്ന് വി​ചാ​രി​ച്ചി​ട്ടാ​ണ്.

ന​മു​ക്കി​വി​ടെ ധാ​രാ​ളം നി​യ​മ​ങ്ങ​ളും വ​കു​പ്പു​ക​ളു​മു​ണ്ട്. പ​രാ​തി​ക​ൾ കൊ​ടു​ക്കേ​ണ്ടി​ട​ത്തെ​ല്ലാം കൊ​ടു​ത്തി​ട്ടു​ണ്ട്. ഡോ​ക്ട​ർ​മാ​ർ സൂ​ച​നാ സ​മ​ര​വും ന​ട​ത്തി.

എ​ന്നി​ട്ടും പ്ര​തി​യെ മാ​ത്രം ക​ണ്ടു​കി​ട്ടി​യി​ല്ല. ഇ​വി​ടെ​യൊ​രു ഇ​ല​യ​ന​ങ്ങി​യാ​ൽ അ​റി​യു​ന്ന ആ​രോ​ഗ്യ​മ​ന്ത്രി​യു​ടെ ഫേ​സ്ബു​ക്ക് പേ​ജി​ലും നോ​ക്കി.

ഒ​രു വ​നി​താ ഡോ​ക്ട​ർ ച​വി​ട്ടു​കൊ​ണ്ട് അ​ഡ്മി​റ്റാ​യി​ട്ടും മ​ന്ത്രി​യി​തൊ​ന്നും അ​റി​ഞ്ഞ മ​ട്ടു​പോ​ലു​മി​ല്ല.

ഈ ​ഡോ​ക്ട​ർ​മാ​ർ എ​ന്നു പ​റ​ഞ്ഞാ​ൽ ദൈ​വ​ങ്ങ​ളു​മ​ല്ല, ചെ​കു​ത്താ​ന്മാ​രു​മ​ല്ല. ഇ​തു വാ​യി​ക്കു​ന്ന നി​ങ്ങ​ളൊ​ക്കെ ഏ​തു​ത​ര​ക്കാ​രാ​ണോ, ഏ​താ​ണ്ട് അ​തു​ത​ന്നെ​യാ​ണ് ഡോ​ക്ട​ർ​മാ​രും.

ഒ​രേ സ​മൂ​ഹ​ത്തി​ൽ​നി​ന്നാ​ണ​ല്ലോ ഡോ​ക്ട​ർ​മാ​രും ഉ​ണ്ടാ​വു​ന്ന​ത്. ഇ​നി ഏ​തു​ത​ര​ത്തി​ലു​ള്ള ആ​ളാ​ണെ​ങ്കി​ലും ജോ​ലി സ്ഥ​ല​ത്ത് ആ​ക്ര​മി​ക്ക​പ്പെ​ടു​ക എ​ന്ന് പ​റ​ഞ്ഞാ​ൽ ഒ​രു രീ​തി​യി​ലും അം​ഗീ​ക​രി​ക്കാ​ൻ ക​ഴി​യാ​ത്ത കാ​ര്യ​മാ​ണ്.

യു​ദ്ധ​ഭൂ​മി​യി​ൽ​പോ​ലും ആ​രോ​ഗ്യ​പ്ര​വ​ർ​ത്ത​ക​രെ​യും ആ​ശു​പ​ത്രി​ക​ളെ​യും ആ​ക്ര​മി​ക്കാ​ൻ പാ​ടി​ല്ല എ​ന്നു​ണ്ട്. എ​ന്നാ​ൽ കേ​ര​ള​ത്തി​ൽ അ​ത്ത​രം ആ​ക്ര​മ​ണ​ങ്ങ​ൾ വ​ള​രെ സ്വാ​ഭാ​വി​ക​മാ​യ ഒ​ന്നാ​ണ്.

സം​ഗ​തി വാ​ർ​ത്ത​യാ​വു​മ്പോ​ൾ മാ​ത്രം, അ​ത് ആ ​സ​മ​യ​ത്തെ വൈ​കാ​രി​ക പ്ര​തി​ക​ര​ണ​മെ​ന്ന ഉ​ഡാ​യി​പ്പു​മാ​യി വ​രും.

ഈ ​വാ​ർ​ത്ത​ക​ൾ​ക്ക് താ​ഴെ​വ​രു​ന്ന പ്ര​തി​ക​ര​ണം മാ​ത്രം നോ​ക്കി​യാ​ൽ മ​തി, ഇ​തൊ​ന്നും പെ​ട്ടെ​ന്നു​ള്ള വൈ​കാ​രി​ക വി​ക്ഷോ​ഭം അ​ല്ലാ​യെ​ന്ന് അ​റി​യാ​ൻ.

ത​രം​കി​ട്ടി​യാ​ൽ കൈ​കാ​ര്യം ചെ​യ്യാ​ൻ കാ​ത്തി​രി​ക്കു​ന്ന​വ​രെ​യും ആ​രാ​ണെ​ന്നോ എ​ന്താ​ണെ​ന്നോ അ​റി​യാ​ത്ത ഏ​തോ ഒ​രു ഡോ​ക്ട​ർ​ക്ക് അ​ടി കി​ട്ടി​യ​തി​ൽ ആ​ഹ്ലാ​ദി​ക്കു​ന്ന​വ​രെ​യും ഒ​ക്കെ ധാ​രാ​ളം കാ​ണാം.

ആ​ശു​പ​ത്രി​യും ആ​രോ​ഗ്യ​പ്ര​വ​ർ​ത്ത​ക​രും ആ​ക്ര​മി​ക്ക​പ്പെ​ടു​മ്പോ​ൾ നി​യ​മ​ന​ട​പ​ടി സ്വീ​ക​രി​ക്കാ​ൻ വേ​ണ്ടി സ​മ​രം ചെ​യ്യേ​ണ്ട സാ​ഹ​ച​ര്യം ഇ​ന്നും കേ​ര​ള​ത്തി​ൽ ഉ​ണ്ടെ​ന്ന​ത് ഖേ​ദ​ക​ര​മാ​ണ്.

ഭ​യ​മി​ല്ലാ​തെ സ്വ​സ്ഥ​വും സു​ര​ക്ഷി​ത​വും സ​മാ​ധാ​ന​പ​ര​വു​മാ​യി സ്വ​ന്തം ജോ​ലി ചെ​യ്യാ​നു​ള്ള സാ​ഹ​ച​ര്യം സ​ർ​ക്കാ​രും സ​മൂ​ഹ​വും ആ​രോ​ഗ്യ പ്ര​വ​ർ​ത്ത​ക​ർ​ക്ക് ഒ​രു​ക്കി ന​ൽ​കി​യാ​ൽ അ​തി​ന്‍റെ ഗു​ണം ല​ഭി​ക്കു​ക സാ​ധാ​ര​ണ​ക്കാ​രാ​യ ഇ​വി​ട​ത്തെ രോ​ഗി​ക​ൾ​ക്കു​ത​ന്നെ​യാ​യി​രി​ക്കും.