മാ​ന്ദാ​മം​ഗ​ലം  പ​ള്ളി​ സം​ഘ​ർം;  ക്ര​മ​സ​മാ​ധാ​നം ആര് തകർത്താലും നി​യ​മ​ന​ട​പ​ടിയെന്ന് ക​ള​ക്ട​ർ

തൃ​ശൂ​ർ: മാ​ന്ദാ​മം​ഗ​ലം സെ​ന്‍റ് മേ​രീ​സ് പ​ള്ളി​യി​ലെ സം​ഘ​ർ​ഷാ​വ​സ്ഥ​യു​ടെ പ​ശ്ചാ​ത്ത​ല​ത്തി​ൽ ക്ര​മ​സ​മാ​ധാ​നം ലം​ഘി​ക്കു​ന്ന ന​ട​പ​ടി​ക​ൾ ആ​രു സ്വീ​ക​രി​ച്ചാ​ലും ന​ട​പ​ടി​യെ​ടു​ക്കു​മെ​ന്നു ജി​ല്ലാ ക​ള​ക്ട​ർ ടി.​വി. അ​നു​പ​മ പ​റ​ഞ്ഞു. ഇ​രു​വി​ഭാ​ഗം പ്ര​തി​നി​ധി​ക​ളെ​യും പ്ര​ത്യേ​കം വി​ളി​ച്ച് ഇ​ന്ന​ലെ ക​ള​ക്ട​റു​ടെ ചേം​ബ​റി​ൽ ച​ർ​ച്ച ന​ട​ത്തി​യി​രു​ന്നു.

താ​ത്കാലി​ക പ​രി​ഹാ​ര​മെ​ന്ന നി​ല​യ്ക്കു പ​ള്ളി​യി​ലു​ണ്ടാ​യി​രു​ന്ന യാ​ക്കോ​ബാ​യ വി​ഭാ​ഗം വി​ശ്വാ​സി​ക​ൾ പു​റ​ത്തി​റ​ങ്ങി പ​ള്ളി പൂ​ട്ടി താ​ക്കോ​ൽ അ​വ​ർ ത​ന്നെ സൂ​ക്ഷി​ക്കാ​ൻ ത​യാറാ​യി​ട്ടു​ണ്ട്. ഹൈ​ക്കോ​ട​തി അ​പ്പീ​ലിൽ തീ​രു​മാ​ന​മാ​കു​ന്ന​തു​വ​രെ പ​ള​ളി​യി​ലോ, പ​രി​സ​ര​ങ്ങ​ളി​ലോ പ്ര​വേ​ശി​ക്കി​ല്ലെ​ന്ന ഉ​റ​പ്പ് ഓ​ർ​ത്ത​ഡോ​ക്സ് വി​ഭാ​ഗം വി​ശ്വാ​സി​ക​ൾ ന​ൽ​കി.

ഇ​രു​വി​ഭാ​ഗ​വും ഈ ​വ്യ​വ​സ്ഥ​ക​ൾ അം​ഗീ​ക​രി​ച്ച് ഒ​പ്പുവ​ച്ചി​ട്ടു​ണ്ടെ​ന്നു ക​ള​ക്ട​ർ പ​റ​ഞ്ഞു. ഭ​ര​ണ​കാ​ര്യ​ങ്ങ​ളി​ൽനി​ന്നും ആ​രാ​ധ​ന​ക​ളി​ൽനി​ന്നും വി​ട്ടു​നി​ൽ​ക്കു​ന്ന​തി​നെ​ക്കു​റി​ച്ചും ഞാ​യ​റാ​ഴ്ച​യി​ലെ ആ​രാ​ധ​ന സം​ബ​ന്ധി​ച്ചു​മു​ള്ള തീ​രു​മാ​ന​വും യാ​ക്കോ​ബാ​യ വി​ഭാ​ഗം ഇ​ന്ന് ഉ​ച്ച​യ്ക്കു ര​ണ്ടി​നു മു​ന്പ് ക​ള​ക്ട​റെ രേ​ഖാ​മൂ​ലം അ​റി​യി​ക്കും.

സ​മാ​ധാ​ന അ​ന്ത​രീ​ക്ഷം ത​ക​ർ​ക്കു​ന്ന ന​ട​പ​ടി​ക​ൾ ആ​രു​ടെ ഭാ​ഗ​ത്തു നി​ന്നു​ണ്ടാ​യാ​ലും ആ​വ​ശ്യ​മാ​യ നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്നു ജി​ല്ലാ ക​ള​ക്ട​ർ പ​റ​ഞ്ഞു. ജി​ല്ലാ പോ​ലീ​സ് മേ​ധാ​വി, സീ​നി​യ​ർ ഗ​വ. പ്ലീ​ഡ​ർ തു​ട​ങ്ങി​യ​വ​ർ ച​ർ​ച്ച​യി​ൽ പ​ങ്കെ​ടു​ത്തി​രു​ന്നു.