മുണ്ടക്കയം: നടുറോഡില്‍ യുവതിക്കു നേരേ ആക്രമണം. രണ്ടു യുവാക്കള്‍ അറസ്റ്റില്‍. വെംബ്ലി സ്വദേശികളായ കടുപ്പറമ്പില്‍ മനു മോഹന്‍ദാസ് (26), കണ്ടിശേരിയില്‍ ബിനു(34) എന്നിവരെയാണ് പോലീസ് അറസ്റ്റ് ചെയ്തത്.
സംഭവത്തെക്കുറിച്ച് പോലീസ് പറയുന്നത് ഇങ്ങനെ: മര്‍ദ്ദനമേറ്റ യുവതിയോട് മനുവിന് താത്പര്യമുണ്ടായിരുന്നു. ഇതിനായി യുവതിയുടെ മാതാവിന്‍റെ ഫോണിലേക്ക് മനു സന്ദേശം അയ്ക്കുകയും ചെയ്തിരുന്നു. ഇനി സന്ദേശം അയ്ച്ചാല്‍ പോലീസില്‍ പരാതിപ്പെടുമെന്ന് ഇവര്‍ മനുവിന് മറുപടി സന്ദേശവും അയച്ചു.
ഇതിനെ തൂടര്‍ന്ന് ക്രിസ്മസ് ദിനത്തിൽ വൈകുന്നേരം അഞ്ചിന് മുണ്ടക്കയം ടൗണിൽ കണ്ടുമുട്ടിയപ്പോൾ ഉണ്ടായ വാക്കുതര്‍ക്കത്തിലാണ് യുവതിയെ ഇവര്‍ ആക്രമിച്ചത്. ഇതുകണ്ട ഒട്ടോറിക്ഷ ഡ്രൈവർമാരും നാട്ടുകാരും ഇവരെ പിടികൂടി പോലീസിന് കൈമാറുകയായിരുന്നു. മനു മുന്പ് കെഎസ്ഇബി ജീവനക്കാരെ മർദിച്ച കേസിലെ പ്രതിയാണ്. പ്രതികളെ കോടതിയില്‍ ഹാജരാക്കി റിമാൻഡ് ചെയ്തു.
