മനുഷ്യമുഖത്തോട് സാമ്യമുള്ള രീതിയില്‍ ജനിച്ച പന്നിയുടെ ദൃശ്യങ്ങള്‍ വൈറലാകുന്നു. വെനസ്വലയിലെ ലാറയിലുള്ള ഖ്വിബ്രാഡ എന്ന സ്ഥലത്തു നിന്നുള്ളതാണ് ഈ ദൃശ്യങ്ങൾ.
ഇവിടെയുള്ള ഒരു കര്‍ഷകന്‍റെ പന്നിയാണ് ഏറെ പ്രത്യേകതകളുള്ള കുഞ്ഞിന് ജന്മം നല്‍കിയത്. ഈ കുഞ്ഞിന്‍റെ ശരീരത്തില്‍ നിറയെ രോമങ്ങളുണ്ട്. എന്നാല്‍ ഈ പന്നിക്കൊപ്പം ജനിച്ച മറ്റ് കുഞ്ഞുങ്ങള്‍ക്കൊന്നും യാതൊരു പ്രത്യേകതകളുമില്ല.
ജനിച്ച് മൂന്ന് മണിക്കൂറുകള്‍ മാത്രമുള്ളപ്പോഴാണ് ഈ വീഡിയോ പകര്‍ത്തിയത്. ഈ അവസ്ഥയുടെ കാരണം എന്താണെന്ന് വ്യക്തമല്ല. എന്നല്‍ തെക്കേ അമേരിക്കന്‍ രാജ്യങ്ങളിലെ അമിതമായ കീടനാശിനികളുടെ ഫലമാകാം ഈ പ്രത്യേകതയ്ക്ക് കാരണമെന്ന് പറയപ്പെടുന്നു.
