മോഹൻലാൽ കുഞ്ഞാലിമരയ്ക്കാറായി എത്തുന്ന മലയാളത്തിലെ ഏറ്റവും കൂടുതൽ ബഡ്ജറ്റിൽ ഒരുക്കുന്ന മരയ്ക്കാർ, അറബിക്കടലിന്‍റെ സിംഹത്തിൽ പ്രണവ് മോഹൻലാലും അഭിനയിക്കുമെന്ന് റിപ്പോർട്ടുകൾ. അതിഥി വേഷത്തിലാകും ചിത്രത്തിൽ പ്രണവ് എത്തുന്നതെന്നാണ് അറിയുവാൻ സാധിക്കുന്നത്.
തെലുങ്ക് താരം നാഗാർജുന, ബോളിവുഡ് താരം സുനിൽ ഷെട്ടി എന്നിവരുൾപ്പടെ ബ്രിട്ടീഷ് താരങ്ങളും ചിത്രത്തിനായി അണിനിരക്കും. ആശിർവാദ് സിനിമാസിനു വേണ്ടി ആന്‍റണി പെരുന്പാവൂർ, കോണ്ഫിഡന്റ് ഗ്രൂപ്പ് ഉടമ ഡോ. സി.ജെ. റോയ്, മൂണ്ഷോട്ട് എന്‍റർടെയ്ൻമെന്‍റിനു വേണ്ടി സന്തോഷ് ടി. കുരുവിള എന്നിവരാണ് ചിത്രം നിർമിക്കുന്നത്.
