തളിപ്പറമ്പ്: ട്രാഫിക് ഡ്യൂട്ടിയിലുണ്ടായിരുന്ന സിവില്‍ പോലീസ് ഓഫീസറെ കൈയേറ്റം ചെയ്ത സ്വകാര്യബസ് ക്ലീനര്‍ അറസ്റ്റില്‍. ഏഴോം സ്വദേശിയും തളിപ്പറമ്പ്-പെരുമ്പടവ് കെഎല്‍ 13 എസ് 7484 മണികണ്ഠന്‍ ബസ് ക്ലീനറുമായ സി.കെ.അസീനെ(38) യാണ് തളിപ്പറമ്പ് പ്രിന്‍സിപ്പല്‍ എസ്‌ഐ കെ.ദിനേശന്‍ അറസ്റ്റ് ചെയ്തത്.
ഇന്നലെ വൈകുന്നേരം 4.45 ന് ടാഗോര്‍ വിദ്യാനികേതന്‍ സ്‌കൂള്‍ പരിസരത്ത് ട്രാഫിക് ഡ്യൂട്ടി ചെയ്യുകയായിരുന്ന തളിപ്പറമ്പ് സ്റ്റേഷനിലെ സിപിഒ എരമം സ്വദേശി കെ.പ്രശാന്തിനെ കൈ പിടിച്ച് തിരിക്കുകയും യൂണിഫോം പിടിച്ചുവലിച്ചു കീറുകയും ചെയ്തു എന്ന പരാതിയിലാണ് അറസ്റ്റ്.
പ്രശാന്ത് തളിപ്പറമ്പ് താലൂക്ക് ആശുപത്രിയില്‍ ചികിത്സ തേടി. ബസ് റോഡില്‍ നിര്‍ത്തി ടെംമ്പോ ഡ്രൈവറുമായി അടിപിടി കൂടുന്നതിനിടയില്‍ ഇരുവരേയും പിന്തിരിപ്പിക്കാന്‍ ശ്രമിച്ച പ്രശാന്തിനെ അസീന്‍ അക്രമിക്കുകയായിരുന്നുവെന്ന് പോലീസ് പറഞ്ഞു. കോടതിയില്‍ ഹാജരാക്കിയ അസീനെ രണ്ടാഴ്ച്ചത്തേക്ക് റിമാന്‍ഡ് ചെയ്തു.
