കടുത്തുരുത്തി: കാർ യാത്രക്കാരായ യുവതിയേയും യുവാവിനേയും മർദ്ദിച്ച മൂന്നംഗ സംഘത്തെ പോലീസ് അറസ്റ്റ് ചെയ്തു. കോതനല്ലൂർ സ്വദേശികളായ ജിൻസ്, ആൽബിൻ, സ്റ്റെബിൻ എന്നിവരെയാണ് അറസ്റ്റു ചെയ്തത്. കഴിഞ്ഞ ദിവസം രാത്രി ഏഴോടെ കോതനല്ലൂർ ജംഗ്ഷനിലാണ് സംഭവം.
കോതനല്ലൂർ സ്വദേശികളായ സഹോദരങ്ങൾ ചാമക്കാലാ പള്ളിയിലേക്ക് പോകുന്പോഴാണ് സംഭവം. റോഡിൽ തടസമുണ്ടാക്കി കിടന്ന പ്രതികളുടെ ഇന്നോവ കാർ മാറ്റി കൊടുക്കുവാൻ പറഞ്ഞതിനെ തുടർന്നുണ്ടായ വാക്കുതർക്കമാണ് മർദ്ദനത്തത്തിന് കാരണം.
സഹോദരങ്ങളായ യുവാവും യുവതിയും സഞ്ചരിച്ച കാറിനെ പിന്തുടർന്നെത്തിയാണ് പ്രതികൾ കാർ തടഞ്ഞു നിർത്തി യുവാവിനെ മർദ്ദിച്ചത്. കടുത്തുരുത്തി എസ്എച്ച്ഒ വി.ശിവൻകുട്ടിയുടെ നേതൃത്വത്തിൽ എസ്ഐ എ.സമദ്, എഎസ്ഐ ജയറാം, കോണ്സ്റ്റബിൾ ബിനീഷ് എന്നിവരാണ് പ്രതികളെ അറസ്റ്റ് ചെയ്തത്.
