മാള : മാളയിൽ സിനിമാ സ്റ്റൈലിൽ ഗുണ്ടാ ആക്രമണം. അങ്കമാലിയിൽ നിന്ന് മാളയിൽ വിവാഹാവശ്യത്തിന് വന്ന യുവാവിന് നേരെയാണ് ആക്രമണുണ്ടായത്. 26 വയസ്സുള്ള രഞ്ജിത് എന്ന യുവാവാണ് ആക്രമണത്തിനിരയായത്.
അന്നമനട പെട്രോൾ പന്പിന്‍റെ പരിസരത്തുവച്ച് വെർട്ടികയിലും കെഎൽ ബിഎപി 4767 നന്പറിലുള്ള ഇന്നോവയിലുമായി വന്ന പതിനഞ്ചോളം പേരടങ്ങുന്ന സംഘം ആക്രമണം നടത്തുകയായിരുന്നു. യുവാവ് സഞ്ചരിച്ചിരുന്ന കാറിന്‍റെ മുന്നിലും പിന്നിലുമായി വണ്ടി ബ്ലോക്ക് ചെയ്ത് യുവാവിനെ പിടിച്ച് ഇറക്കിയാണ് ആക്രമണം നടത്തിയത്. യുവാവിനെ കരണത്ത് അടിയ്ക്കുകയും ചവിട്ടി താഴെ ഇടുകയും ചെയ്തു. ആക്രമണത്തിനിടെ യുവാവിന്‍റെ കഴുത്തിൽ ഉണ്ട ായിരുന്ന 14 ഗ്രാം തൂക്കമുള്ള മാലയും നാലുഗ്രാം തൂക്കമുള്ള ലോക്കറ്റും നഷ്ടപ്പെട്ടു.
പരിക്കേറ്റ യുവാവിനെ മാള ഗവണ്‍മെന്‍റ് ആശുപത്രിയിൽ പ്രവേശിപ്പിച്ചു. പോലീസ് അന്വേഷണം ആരംഭിച്ചു. അതേസമയം ആളുമാറി ആക്രമിച്ചതാണെന്നും രണ്ട് മക്കളുള്ള ഒരു സ്ത്രീ സ്ഥലം വിറ്റ 40 ലക്ഷത്തോളം രൂപയുമായി കാമുകനോടൊപ്പം കടന്നുകളയുകയും ആ കാമുകനാണെന്ന് തെറ്റിദ്ധരിച്ച് ആക്രമിച്ചതാണെന്നും പറയുന്നു.
സംഭവവുമായി ബന്ധപ്പെട്ട് ഒരാൾ പോലീസ് കസ്റ്റഡിയിലുണ്ട്.
