ചെറായി: അജ്ഞാതർ മർദിച്ച് അവശനാക്കി വഴിയിൽ തള്ളിയ യുവാവ് മരിച്ചു. ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്. എടവനക്കാട് കൂട്ടുങ്കൽചിറ ബീച്ചിൽ താമസിക്കുന്ന മുണ്ടേങ്ങാട്ട് അശോകന്റെ മകൻ സനൽ-34 ആണ് മരിച്ചത്.
വ്യാഴാഴ്ച രാത്രി 10 ഓടെയാണ് ഇയാൾ മർദ്ദനമേറ്റ് വഴിയിൽ കിടക്കുന്നതായി കാണുന്നത്. ഇക്കാര്യം ഞാറക്കൽ പോലീസിൽ വിളിച്ചറിയിച്ചതിനെ തുടർന്ന് പോലീസ് സ്ഥലത്തെത്തി 11 ഓടെ ഇയാളെ പറവൂർ താലൂക്കാശുപത്രിയിലെത്തിച്ചു.
എന്നാൽ ശരീരത്തിൽ മാരകമായ മർദ്ദനമേറ്റ ഇയാളുടെ നില ഗുരുതരമായിരുന്നതിനാൽ ഡോക്ടർമാർ അവിടെനിന്നും എറണാകുളം ജനറലാശുപത്രിയിലേക്ക് മാറ്റി.
ഇന്നു പുലർച്ചെ മൂന്നോടെയാണ് മരിച്ചത്. മൃതദേഹം ഇൻക്വസ്റ്റിനുശേഷം ഇന്നു പോലീസ് സർജ്ജൻ പോസ്റ്റുമോർട്ടം നടത്തും.
