കായംകുളം: മുനിസിപ്പൽ ജംഗ്ഷനിലെ ടാക്സി ഡ്രൈവർ കായംകുളം കീരിക്കാട് പടന്നേൽ പ്രസാദ് (58) മരിച്ചു. കഴിഞ്ഞ ദിവസം പ്രസാദിന്‍റെ വാഹനത്തിന് മുന്പിൽ മറ്റൊരു വാഹനം പാർക്ക് ചെയ്തതിനെ ചൊല്ലി ഒരാളുമായി തർക്കമുണ്ടായി.
ഇതിനുശേഷം വൈകുന്നേരം നാലോളം വരുന്ന സംഘം സ്റ്റാന്‍റിലെത്തി പ്രസാദിനെ ക്രൂരമായി മർദ്ദിക്കുകയായിരുന്നു. തുടർന്ന് ഗുരുതര പരിക്കേറ്റ ഇയാളെ കായംകുളം താലൂക്കാശുപത്രിയിൽ പ്രവേശിപ്പിച്ചിരിക്കുകയായിരുന്നു.ഇന്ന് രാവിലെയാണ് മരിച്ചത്.കായംകുളം പോലീസ് പ്രതികൾക്ക് വേണ്ടി അന്വേഷണം ഉൗർജിതമാക്കി.
