മദ്യലഹരിയിൽ രോഗിയുടെ പരാക്രമം; ന​ഴ്സിം​ഗ് അ​സി​സ്റ്റ​ൻ​ഡി​നെ ആ​ക്ര​മി​ച്ചു പരിക്കേൽപ്പിച്ചു;   സംഭവത്തിൽ നഴ്സുമാർ ഒപി ബഹിഷ്കരിച്ചു

കൊ​ല്ലം: ജി​ല്ലാ​ ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്ന രോ​ഗി ന​ഴ്സിം​ഗ് അ​സി​സ്റ്റ​ന്‍റി​നെ തൊ​ഴി​ച്ചും അ​ടി​ച്ചും പ​രി​ക്കേ​ൽ​പ്പി​ച്ചു. ക​ട​പ്പാ​ക്ക​ട സ്വ​ദേ​ശി​യാ​യ പ്ര​കാ​ശാ​ണ് ന​ഴ്സിം​ഗ് അ​സി​സ്റ്റ​ന്‍റ് ബി​ജു​വി​നെ കൈ​യേ​റ്റം ചെ​യ്ത​ത്.

കഴിഞ്ഞ രാത്രിയാണ് സംഭവം. മ​ദ്യ​ല​ഹ​രി​യി​ലു​ണ്ടാ​യ അ​ടി​പി​ടി​ക്കി​ട​യി​ൽ മു​റി​വേ​റ്റ നി​ല​യി​ലാ​ണ് പ്ര​കാ​ശി​നെ ജി​ല്ലാ ​ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ഇയാളുടെ ശരീരത്തിലെ മുറിവിൽ തുന്നലിട്ട ശേഷം വാർഡിൽ അഡ്മിറ്റാക്കി.

പി​ന്നീ​ട് ആ​ശു​പ​ത്രി അ​ധി​കൃ​ത​രു​ടെ ക​ണ്ണു​വെ​ട്ടി​ച്ച് മു​ങ്ങി​യ പ്ര​കാ​ശി​നെ ക​ട​പ്പാ​ക്ക​ട​യി​ൽ​നി​ന്ന് പോ​ലീ​സ് പി​ടി​കൂ​ടി ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. ഇതിനിടെ തുന്നൽ പൊട്ടിയതിനെ തുടർന്ന് വീണ്ടും ഇടുന്നതിനിടെ ഇയാൾ നഴ്സിംഗ് അസിസ്റ്റന്‍റിനെ ആക്രമിക്കുകയായിരുന്നു.

പ​രി​ക്കേ​റ്റ ബി​ജു ജില്ലാ ആശുപത്രിയിൽ തന്നെ ചികിത്സ തേടിയ ശേഷം പോലീസിൽ പരാതി നൽകി. ന​ഴ്സിം​ഗ് അ​സി​സ്റ്റ​ന്‍റി​നെ ആ​ക്ര​മി​ച്ച​തി​ൽ പ്ര​തി​ഷേ​ധി​ച്ച് ഇ​ന്ന് രാ​വി​ലെ ന​ഴ്സു​മാ​ർ ഒ​രു മ​ണി​ക്കൂ​ർ ഒപി ബഹിഷ്കരിച്ച് പ്രതിഷേധിച്ചു.