പേരാമംഗലം:മദ്യലഹരിയിൽ കെഎസ്ആർടിസി ബസ് തടഞ്ഞ് നിർത്തി ഡ്രൈവറെ മർദിക്കുകയും ബസ് തല്ലിതകർക്കുകയും ചെയ്ത മൂന്ന് പേർക്കെതിരെ പേരാമംഗലം പോലീസ് കേസെടുത്തു.കഴിഞ്ഞ ചൊവ്വാഴ്ച്ച രാത്രിയിലാണ് കേസിനാസ്പദമായ സംഭവം. കേച്ചേരിയിൽ കെഎസ്ആർടിസി ബസ് ബൈക്കിൽ തട്ടിയതായി ആരോപിച്ച് രണ്ട് പേർ പിൻതുടർന്നെത്തി പേരാമംഗലത്ത് ബസ് തടഞ്ഞു നിർത്തി ഡ്രൈവറെ മർദ്ദിക്കുകയായിരുന്നു.
വിവരമറിഞ്ഞ് പോലീസ് സ്ഥലത്തെത്തിയപ്പോഴേയ്ക്കും മൂന്ന് പേർ ഓടി രക്ഷപ്പെടുകയായിരുന്നു.പ്രതികൾ സഞ്ചരിച്ചിരുന്ന രണ്ട് ബൈക്കുകൾ പോലീസ് കസ്റ്റഡിയിലെടുത്തു. പരിക്കേറ്റ ഡ്രൈവർ തൃശൂരിലെ സർക്കാർ ആശുപത്രിയിൽ ചികിത്സയിലാണ്.
