കൂത്തുപറമ്പ്: ചെറുവാഞ്ചേരി പാട്യം ഗോപാലൻ മെമ്മോറിയൽ ഹയർ സെക്കൻഡറി സ്കൂളിൽ എംഎസ്എഫ് പ്രവർത്തകർക്ക് നേരെ അക്രമം. സഫൽ, സിനാൻ, റഫ്നാസ് എന്നിവർക്കാണ് പരിക്കേറ്റത്. ഇവർ തലശേരി ഇന്ദിരാ ഗാന്ധി സഹകരണാശുപത്രിയിൽ ചികിത്സ തേടി. ഇന്നലെ രാവിലെ 11.30 ഓടെ സ്കൂൾ വരാന്തയിൽ വച്ചാണ് സംഭവം.
ഇരുപതോളം വരുന്ന എബിവിപി പ്രവർത്തകരാണ് അക്രമം നടത്തിയതെന്ന് എംഎസ്എഫ് ആരോപിച്ചു. കണ്ണവം പോലീസിൽ പരാതി നല്കി. ഈയിടെ ചീരാറ്റയിൽ സ്ഥാപിച്ച എംഎസ്എഫ് പതാകകൾ നശിപ്പിക്കുകയും ചെയ്തിരുന്നു. സംഭവത്തിൽ പാട്യം പഞ്ചായത്ത് മുസ്‌ലിം ലീഗ്, യൂത്ത് ലീഗ്, എം.എസ്.എഫ്. കമ്മിറ്റികൾ പ്രതിഷേധിച്ചു.
