മുളങ്കുന്നത്തുകാവ്: ബൈക്കിൽ എത്തിയ മുഖംമൂടി സംഘം ഓട്ടോറിക്ഷ തടഞ്ഞ് നിർത്തി ഡ്രൈവറെ വലിച്ച് പുറത്തിട്ട ശേഷം യാത്രക്കാരനെ തലയക്കടിച്ച് പരിക്കേൽപ്പിച്ചു. തലയിൽ ഇരുന്പു പൈപ്പ് കൊണ്ടുള്ള അടിയേറ്റ് പരിക്കേറ്റ നിലയിൽ നന്തിപുലം കനകപ്പിള്ളി വീട്ടിൽ ബാലകൃഷണന്‍റെ മകൻ വിഷണു(25)വിനെ തൃശൂർ ഗവ.മെഡിക്കൽകോളജ് ആശുപത്രിയിൽ പ്രവേശിപ്പിച്ചു.
ഇന്നലെ രാത്രി ഒന്പതരയക്കാണ് സംഭവം. ഓട്ടോയിൽ വരികയായിരുന്ന വിഷ്ണു വിടിനടുത്ത് എത്താറായപ്പോൾ രണ്ട് ബൈക്കുകളിൽ എത്തിയ ഹെൽമറ്റ് ധരിച്ച സംഘം ബൈക്കുകൾ ഓട്ടോയക്ക് കുറകെ ഇട്ട് ഡ്രൈവറെ പിടിച്ച പുറത്തേക്കിട്ട ശേഷം മാരാകയുധം കാട്ടി ഭീഷണിപ്പെടുത്തുകയും ഓട്ടോയിൽ ഉണ്ടായിരുന്ന വിഷണുവിനെ ആക്രമിക്കുകയുമായിരുന്നു.
ഇരുന്പ് വടി കൊണ്ടുള്ള അടിയേറ്റ ഇയാൾ ആക്രമികളെ തളളി മാറ്റി നിലവിളിച്ച് കൊണ്ട് ഓടി സമിപത്തെ വിട്ടിൽ അഭയം പ്രാപിക്കുകയായിരുന്നു. നാട്ടുകാർ ഓടിവരുന്നത് കണ്ട് അക്രമികൾ ബൈക്കിൽ രക്ഷപ്പെട്ടു. ദിവസങ്ങൾക്ക് മുന്പ് നാട്ടുകാരനായ ഒരാൾക്കെതിരെ വിഷണുവിന്‍റെ വീട്ടുകാർ ഇരിങ്ങലക്കുട വനിത പോലിസിൽ പരാതി നൽകിയിരുന്നു. വിട്ടിൽ അതിക്രമിച്ച് വന്ന് അസഭ്യം പറയുകയും അനാവശ്യമായി കോളിംഗ് ബെല്ലടിച്ച് ശല്ല്യം ചെയ്യുന്നതിനുമെതിരെയാണ് പരാതി നൽകിയത്. ഇതാണ് മൂഖമൂടി ആക്രമണത്തിനു കാരണമെന്ന് കരുതുന്നു.
