തൃശൂർ: പോലീസുകാരനെ വിലങ്ങുകൊണ്ട് തലയ്ക്കടിച്ച് രക്ഷപ്പെടാൻ പ്രതിയുടെ ശ്രമം. കൊല്ലം സ്വദേശി രാമചന്ദ്രനാണ് പോലീസുകാരനെ ആക്രമിച്ചു രക്ഷപ്പെടാൻ ശ്രമിച്ചത്. ചാലക്കുടി കോടതിയിൽ ഹാജരാക്കവെയാണ് പ്രതി രക്ഷപ്പെടാൻ ശ്രമം നടത്തിയത്.
കളവ്, കഞ്ചാവ് കേസുകളിൽ പ്രതിയാണ് രാമചന്ദ്രൻ. രാമചന്ദ്രന്‍റെ ആക്രമണത്തിൽ പരിക്കേറ്റ തിരുവനന്തപുരം സിറ്റി പോലീസ് സ്റ്റേഷനിലെ പോലീസ് ഉദ്യോഗസ്ഥൻ പ്രഭിനെ ആശുപത്രിയിൽ പ്രവേശിപ്പിച്ചു. പ്രഭിന്‍റെ പരിക്ക് ഗുരുതരമല്ലെന്നാണു വിവരം.
