കോട്ടയം: സദാനന്ദന്‍റെ സമയം ശരിയല്ല. ദിലീപ് നായകനായ സദാനന്ദന്‍റെ സമയം എന്ന ചിത്രത്തിന്‍റെ കാര്യമല്ല. ഇത് 56 കാരനായ മണർകാട് സ്വദേശി സദാനന്ദന്‍റെ കാര്യമാണ്. ഭാര്യയെ സ്ത്രീധനം ചോദിച്ചും ശാരീരികമായും പീഡിപ്പിച്ചെന്ന പരാതിയിൽ അറസ്റ്റിലായി ഈ സദാനന്ദൻ.
ഭാര്യയും ഭർത്താവും തമ്മിലുള്ള വഴക്ക് മൂത്ത് വെട്ടുകത്തിക്ക് ഭാര്യയെ വെട്ടി. പക്ഷേ വെട്ടു തടഞ്ഞ ഭാര്യയുടെ കൈക്കാണ് വെട്ടേറ്റത്. കൈയിൽ ആറ് കുത്തിക്കെട്ട്. ഇതോടെ ഭാര്യ നേരേ പരാതിയുമായി പോലീസിനെ സമീപിച്ചു. ഭാര്യയുടെ പരാതിയിൽ അറസ്റ്റിലായ സദാനന്ദൻ ഇപ്പോൾ റിമാൻഡിൽ ജയിലിലാണ്. എങ്ങനെയുണ്ട് സദാനന്ദന്‍റെ സമയം.
