തൃശൂര്‍: ശക്തന്‍ സ്റ്റാന്‍ഡില്‍ പെണ്‍കുട്ടിയെ കളിയാക്കിയതിന് യുവാവിനെ പെണ്‍കുട്ടിയുടെ സഹപാഠികള്‍ മര്‍ദിച്ചു. ഇന്ന് രാവിലെ 8.30 നായിരുന്നു സംഭവം. കോളജിലേക്കു പോകുവാനായി ബസ് കയറാന്‍ വന്ന പെണ്‍കുട്ടിയെ കളിയാക്കിയതിനെ തുടര്‍ന്ന് സഹപാഠികളായ 12 പേര്‍ ചേര്‍ന്ന് യുവാവിനെ മര്‍ദിക്കുകയായിരുന്നു.
വിവരമറിഞ്ഞെത്തിയ ഈസ്റ്റ് പോലീസ് ഇവരെ സ്റ്റേഷനില്‍ കൊണ്ടുപോകുകയും തുടര്‍ന്ന് നടത്തിയ ചര്‍ച്ചക്കൊടുവില്‍ ഇരുകൂട്ടര്‍ക്കും പരാതിയില്ലാത്തതിനെ തുടര്‍ന്ന് യുവാവിനേയും മര്‍ദിച്ചവരേയും താക്കീത് നല്‍കി വിട്ടയക്കുയും ചെയ്തു.
