നാദാപുരം: ചെക്യാട് ഉമ്മത്തൂര്‍ എസ്ഐ വനിത കോളജില്‍ ജീവനക്കാരിക്ക് മര്‍ദനവും അസഭ്യ വര്‍ഷവും. വളയം പോലീസ് കേസെടുത്തു.
നാദാപുരം സ്വദേശിനിയും കെഡിസി ബാങ്ക് ജീവനക്കരനുമായ കെ.പി. സുധീഷിന്‍റെ ഭാര്യ കുന്നുംപുറത്ത് വീട്ടില്‍ പി. രേഖ (32)യ്ക്കാണ് മര്‍ദനമേറ്റത്. വെള്ളിയാഴ്ച്ച രാവിലെ 10.30ന് കോളജിലെത്തിയ കല്ലിക്കണ്ടി തൂവ്വക്കുന്ന് സ്വദേശികളായ മൂന്ന് സ്ത്രീകളും ഒരു പുരുഷനും അടങ്ങുന്ന സംഘമാണ് ജീവനക്കാരിയെ മര്‍ദിച്ചത്.
സ്ത്രീകള്‍ മൂന്ന് പേര്‍ ചേര്‍ന്ന് മര്‍ദ്ദിക്കുകയും കൂടെയുണ്ടായിരുന്ന പുരുഷന്‍ അസംഭ്യം പറയുകയും ചെയ്തെന്നാണ് രേഖയുടെ പരാതി . കോളജില്‍ വച്ച് ജീവനക്കാരിയെ മര്‍ദ്ദിച്ച സംഭവത്തില്‍ കോളജ് മാനേജ്മെന്‍റ് ജീവനക്കാരിക്ക് അനുകൂലമായ നടപടി കൈക്കൊണ്ടില്ലെന്ന് ഭര്‍ത്താവും ബന്ധുക്കളും ആരോപിച്ചു. ജീവനക്കാരിയുടെ പരാതിയില്‍ പോലീസ് കേസെടുത്തതായി വളയം എസ്ഐ പി.എല്‍. ബിനുലാല്‍ പറഞ്ഞു.
