കാസർഗോഡ്: മദ്രസ അധ്യാപകന്‍ വിദ്യാര്‍ഥിയെ മര്‍ദിച്ചെന്ന പരാതിയുമായി ബന്ധപ്പെട്ട് വിളിച്ചുചേര്‍ത്ത സമാധാനയോഗം കൈയാങ്കളിയില്‍ കലാശിച്ചു.
മൂന്ന് അധ്യാപകര്‍ക്ക് പരിക്കേറ്റു. മദ്രസയിലെ ഫര്‍ണിച്ചറുകള്‍ തല്ലിത്തകര്‍ത്തു.
ഞായറാഴ്ച വൈകുന്നേരം ബോവിക്കാനം മുതലപ്പാറ അന്‍സാറുല്‍ ഇസ്‌ലാം മദ്രസയിലാണ് സംഘര്‍ഷമുണ്ടായത്.
സദര്‍ മുഅല്ലിം ഷാഹുല്‍ ഹമീദ് ദാരിമി, അഹമ്മദ് മുസ്‌ലിയാര്‍, ഷക്കീര്‍ മൗലവി എന്നിവര്‍ക്കാണു പരിക്കേറ്റത്. ഇവരെ ചെങ്കള സഹകരണ ആശുപത്രിയില്‍ പ്രവേശിപ്പിച്ചു.
സംഭവവുമായി ബന്ധപ്പെട്ട് നാസിര്‍, ഷെരീഫ്, ജാഫര്‍, അയൂബ്, റഷീദ് എന്നിവര്‍ക്കെതിരേ ആദൂര്‍ പോലീസ് കേസെടുത്തു.
