ധനുഷും സായി പല്ലവിയും അഭിനയിച്ച മാരി-2വിലെ റൗഡി ബേബി എന്ന ഗാനം സൂപ്പർ ഹിറ്റായിരുന്നു. ഇപ്പോഴിതാ മറ്റൊരു ബഹുമതി കൂടെ ഈ ഗാനത്തിനു ലഭിച്ചിരിക്കുന്നു. 2019ൽ ഇന്ത്യയിൽ ഏറ്റവും കൂടുതൽ ആൾക്കാർ കണ്ട മ്യൂസിക്കൽ വീഡിയോ എന്ന അംഗീകാരമാണ് റൗഡി ബേബിക്ക് ലഭിച്ചിരിക്കുന്നത്.
ഇതുവരെ 71 കോടിയിലധികം പേർ ഈ വീഡിയോ യൂട്യൂബിൽ കണ്ടുകഴിഞ്ഞു. ധനുഷാണ് ഈ സൂപ്പർഹിറ്റ് ഗാനത്തിന്‍റെ വരികൾ രചിച്ചത്. സംഗീതം പകർന്നത് യുവൻ ശങ്കർ രാജയും. ഗാനം ആലപിച്ചിരിക്കുന്നത് ധനുഷും ദീയും ചേർന്നാണ്. പുതിയ അംഗീകാരത്തിന്‍റെ വിവരം ലോകത്തെ അറിയിച്ചതും ധനുഷ് തന്നെയാണ്.
