ചുവടു പിഴച്ചാല്‍ കായലില്‍! മറൈന്‍ഡ്രൈവില്‍ മുള ഉപയോഗിച്ച് നിര്‍മിച്ച താത്കാലിക ബോട്ടു ജെട്ടികള്‍ വിനോദസഞ്ചാരികളുടെ ജീവനു ഭീഷണിയാകുന്നു; കണ്ടില്ലെന്ന് നടിച്ച് അധികൃതര്‍

കൊ​ച്ചി: മ​റൈ​ൻ​ഡ്രൈ​വി​ൽ മു​ള ഉ​പ​യോ​ഗി​ച്ച് കാ​ലു​ക​ൾ നാ​ട്ടി പ​ല​ക​ക​ൾ പാ​കി നി​ർ​മി​ച്ച താ​ത്കാ​ലി​ക ബോ​ട്ടു ജെ​ട്ടി​ക​ൾ വി​നോ​ദ​സ​ഞ്ചാ​രി​ക​ളു​ടെ ജീ​വ​നു ഭീ​ഷ​ണി ഉ​യ​ർ​ത്തു​ന്നു. ബോ​ട്ട് യാ​ത്ര​യ്ക്കെ​ത്തു​ന്ന കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​രു​ടെ ചു​വ​ടൊ​ന്നു പി​ഴ​ച്ചാ​ൽ കാ​യ​ലി​ൽ പ​തി​ക്കും. ഇ​തു ക​ണ്ടി​ല്ലെ​ന്നു ന​ടി​ക്കു​ക​യാ​ണ് ബ​ന്ധ​പ്പെ​ട്ട വ​കു​പ്പ് അ​ധി​കൃ​ത​ർ.

നൂ​റി​ല​ധി​കം സ്വ​കാ​ര്യ ബോ​ട്ടു​ക​ളാ​ണ് ഇ​വി​ടെ സ​ഞ്ചാ​രി​ക​ൾ​ക്കാ​യി സ​ർ​വീ​സ് ന​ട​ത്തു​ന്ന​ത്. നി​ല​വി​ൽ മൂ​ന്നു ജെ​ട്ടി​ക​ൾ മാ​ത്ര​മേ ഇ​വി​ടെ ഉ​ള്ളൂ. ഈ ​സാ​ഹ​ച​ര്യം ക​ണ​ക്കി​ലെ​ടു​ത്താ​ണ് ബോ​ട്ട് ക​ന്പ​നി​ക്കാ​ർ താ​ത്കാ​ലി​ക ജെ​ട്ടി​ക​ൾ നി​ർ​മി​ച്ചി​രി​ക്കു​ന്ന​ത്. കാ​ല​പ്പ​ഴ​ക്കം​കൊ​ണ്ട് ദ്ര​വി​ച്ച ജെ​ട്ടി​ക​ളു​ടെ പ​ല​ക​ക​ൾ ഇ​ള​കി​യ അ​വ​സ്ഥ​യി​ലാ​ണ്. അ​വ​ധി​ക്കാ​ല​മാ​യ​തി​നാ​ൽ നി​ര​വ​ധി​പ്പേ​രാ​ണ് മ​റൈ​ൻ​ഡ്രൈ​വ് സ​ന്ദ​ർ​ശി​ക്കാ​നെ​ത്തു​ന്ന​ത്.

ഇ​വി​ടെ​യെ​ത്തു​ന്ന സ്വ​ദേ​ശി​ക​ളും വി​ദേ​ശി​ക​ളു​മാ​യ വി​നോ​ദ​സ​ഞ്ചാ​രി​ക​ളി​ൽ ന​ല്ലൊ​രു ശ​ത​മാ​ന​വും കൊ​ച്ചി കാ​യ​ലി​ലൂ​ടെ ബോ​ട്ടു യാ​ത്ര ന​ട​ത്തി​യാ​ണ് തി​രി​ച്ചു​പോ​കു​ന്ന​ത്. ബോ​ട്ടി​ൽ യാ​ത്ര​ക്കാ​ർ ലൈ​ഫ് ജാ​ക്ക​റ്റു​ക​ൾ ധ​രി​ച്ചി​രി​ക്ക​ണ​മെ​ന്നാ​ണു നി​യ​മ​മെ​ങ്കി​ലും പ​ല ബോ​ട്ടു​ക​ളി​ലും ഇ​തു പാ​ലി​ക്കു​ന്നി​ല്ല. ബോ​ട്ടു​ക​ളി​ൽ ജാ​ക്ക​റ്റും ലൈ​ഫ് ബോ​യും അ​ട​ക്ക​മു​ള്ള സു​ര​ക്ഷാ ഉ​പ​ക​ര​ണ​ങ്ങ​ൾ ഉ​ണ്ടെ​ങ്കി​ലും യാ​ത്ര​ക്കാ​ർ ഇ​വ ധ​രി​ക്കാ​ൻ കൂ​ട്ടാ​ക്കു​ന്നി​ല്ലെ​ന്നാ​ണു ബോ​ട്ട് ജീ​വ​ന​ക്കാ​ർ ഇ​തി​നു വി​ശ​ദീ​ക​ര​ണം ന​ൽ​കു​ന്ന​ത്.

മ​റ്റൊ​രാ​ൾ ഉ​പ​യോ​ഗി​ച്ച ജാ​ക്ക​റ്റ് ഉ​പ​യോ​ഗി​ക്കു​ന്ന​തി​ലെ അ​തൃ​പ്തി​യും ചൂ​ടും ജാ​ക്ക​റ്റ് ധ​രി​ക്കു​ന്പോ​ൾ ഉ​ണ്ടാ​കു​ന്ന അ​സ്വ​സ്ഥ​ത​യു​മാ​ണ് ധ​രി​ക്കാ​തി​രി​ക്കാ​ൻ കാ​ര​ണ​മാ​യി യാ​ത്ര​ക്കാ​ർ​ക്കു പ​റ​യാ​നു​ള്ള​ത്. ഇ​തി​ൽ ന​ട​പ​ടി​യെ​ടു​ക്കേ​ണ്ട​വ​രാ​ക​ട്ടെ ക​ണ്ണ​ട​ച്ചി​രു​ട്ടാ​ക്കു​ന്നു. കാ​ല​പ്പ​ഴ​ക്കം ചെ​ന്ന ബോ​ട്ടു​ക​ളും ഇ​വി​ടെ സ​ർ​വീ​സ് ന​ട​ത്തു​ന്നു​ണ്ട്. ഇ​തും അ​ധി​കൃ​ത​രു​ടെ ക​ണ്ണി​ൽ​പ്പെ​ടു​ന്നി​ല്ല.

യാ​ത്ര​ക്കാ​രു​ടെ തി​ര​ക്ക് കൂ​ടു​ന്പോ​ൾ ബോ​ട്ടു​ക​ളു​ടെ മു​ക​ൾ ത​ട്ടി​ൽ പ്ലാ​സ്റ്റി​ക് ക​സേ​ര​ക​ൾ നി​ര​ത്തി​യാ​ണ് ഇ​രി​പ്പി​ടം ഒ​രു​ക്കു​ന്ന​ത്. ഇ​തും അ​പ​ക​ടം ക്ഷ​ണി​ച്ചു​വ​രു​ത്തു​ന്നു. സാ​ധാ​ര​ണ​ദി​വ​സ​ങ്ങ​ളി​ൽ രാ​വി​ലെ ഒ​ന്പ​തു മു​ത​ൽ രാ​ത്രി ഏ​ഴു​വ​രെ​യാ​ണ് ബോ​ട്ടിം​ഗ്. തി​ര​ക്കു​ള്ള ദി​വ​സ​ങ്ങ​ളി​ൽ രാ​ത്രി എ​ട്ടി​നു​ശേ​ഷ​വും സ​ർ​വീ​സ് ന​ട​ത്താ​റു​ണ്ട്.

ത​ട്ടേ​ക്കാ​ടും തേ​ക്ക​ടി​യി​ലും ജ​ല​ദു​ര​ന്ത​ങ്ങ​ൾ ഉ​ണ്ടാ​യ സാ​ഹ​ച​ര്യ​ത്തി​ൽ ബോ​ട്ടു യാ​ത്ര​യ്ക്ക് ക​ർ​ശ​ന നി​ബ​ന്ധ​ന​ക​ൾ ഏ​ർ​പ്പെ​ടു​ത്തി​യി​രു​ന്നു. 46 പേ​രു​ടെ മ​ര​ണ​ത്തി​നി​ട​യാ​ക്കി​യ തേ​ക്ക​ടി ദു​ര​ന്ത​ത്തെ​ക്കു​റി​ച്ച് അ​ന്വേ​ഷ​ണം ന​ട​ത്തി​യ ജ​സ്റ്റി​സ് മൊ​യ്തീ​ൻ​കു​ഞ്ഞ് ക​മ്മീ​ഷ​ൻ ബോ​ട്ടിം​ഗി​നാ​യി ഇ​രു​പ​തോ​ളം ശി​പാ​ർ​ശ​ക​ളും ന​ൽ​കി​യി​രു​ന്നു.

യാ​ത​ക്കാ​ർ നി​ർ​ബ​ന്ധ​മാ​യും ലൈ​ഫ് ജാ​ക്ക​റ്റ് ധ​രി​ക്കു​ക, ബോ​ട്ടി​ന്‍റെ സു​ര​ക്ഷ ഉ​റ​പ്പാ​ക്കു​ക, ശേ​ഷി​യി​ല​ധി​കം ആ​ളു​ക​ളെ ക​യ​റ്റാ​തി​രി​ക്കു​ക, രാ​ത്രി​കാ​ല​ങ്ങ​ളി​ൽ ബോ​ട്ടിം​ഗ് ഒ​ഴി​വാ​ക്കു​ക തു​ട​ങ്ങി​യ​വ​യാ​യി​രു​ന്നു ക​മ്മീ​ഷ​ന്‍റെ നി​ർ​ദേ​ശ​ങ്ങ​ളി​ൽ പ്ര​ധാ​ന​പ്പെ​ട്ട​ത്. എ​ന്നാ​ൽ നൂ​റു​ക​ണ​ക്കി​നാ​ളു​ക​ൾ ബോ​ട്ടിം​ഗി​നാ​യി എ​ത്തു​ന്ന മ​റൈ​ൻ​ഡ്രൈ​വി​ൽ ഇ​തൊ​ന്നും പാ​ലി​ക്ക​പ്പെ​ടു​ന്നി​ല്ല. ദു​ര​ന്തം വ​രെ കാ​ത്തി​രി​ക്ക​ണോ ഇ​തൊ​ക്കെ ന​ട​പ്പാ​ക്കാ​ൻ?