ആലപ്പുഴ: ഹരിയാനയില്‍ നടന്ന 78-ാമതു സീനിയര്‍ ടേബിള്‍ ടെന്നീസ് ചാമ്പ്യന്‍ഷിപ് വനിതാവിഭാഗം ഡബിള്‍സില്‍ കേരളത്തിന്‍റെ മറിയ റോണി-സേറ സഖ്യത്തിനു വെങ്കലം. ക്വാര്‍ട്ടല്‍ ഫൈനലില്‍ വെസ്റ്റ് ബംഗാളിനെയാണ് പരാജയപ്പെടുത്തിയത്. ഇതേ സഖ്യം തന്നെയാണ് കഴിഞ്ഞ ദേശീയ ഗെയിംസില്‍ ടേബിള്‍ ടെന്നീസില്‍ ആദ്യമായി കേരളത്തിനു വെങ്കല മെഡല്‍ നേടിക്കൊടുത്തത്.
മറിയ തേവര സേക്രട്ട് ഹാര്‍ട് കോളജിലെയും, സേറ ആലപ്പുഴ സെന്‍റ് ജോസഫ്‌സ് കോളജിലെയും രണ്ടാംവര്‍ഷ ബികോം ബിരുദ വിദ്യാര്‍ഥിനികളാണ്. ആലപ്പുഴക്കാരായ ഇരുവരും ആലപ്പുഴ എസ്ഡിവി ടേബിള്‍ ടെന്നീസ് അക്കാദമിയിലെ ബോബി ജോസഫിന്‍റെ ശിക്ഷണത്തിലാണ് ടേബിള്‍ ടെന്നീസ് പരിശീലിക്കുന്നത്.
